सबै मोडलमा २ हजार रुपैयाँले बढ्यो भेस्पा र अप्रिलिया स्कुटरको मूल्य (नयाँ मूल्य सूचीसहित)

काठमाडौं – नेपाली बजारमा उपलब्ध भेस्पा र अप्रिलिया स्कुटरको मूल्य बढेकोे छ । नेपालका लागि यी दुई ब्रान्डका स्कुटरको आधिकारिक वितरक दुगड ब्रदर्स एन्ड सन्सले सबै मोडलमा २ हजार रुपैयाँको दरले मूल्य बढाएको हो ।

नेपाली बजारमा फरक डिजाइनमा उपलब्ध यी स्कुटर लोकप्रिय समेत छन् । भेस्पाका विभिन्न मोडल मध्ये भेस्पा नट्टे र एलएक्सको मूल्य २ लाख ८५ हजार ९४६ रुपैयाँ पुगेको छ । त्यसैगरी भेस्पा भीएक्सएल १२५ को मूल्य ३ लाख ३५ हजार ९४६ र भीएक्सएल १५० को मूल्य ३ लाख ८७ हजार ९४६ रुपैयाँ छ ।

भेस्पा एसएक्सएल १२५ को मूल्य ३ लाख ४९ हजार ९४६ र एसएक्सएल १५० को मूल्य ४ लाख ३ हजार ९४६ रुपैयाँ छ । एसएक्सएल म्याट १२५ को मूल्य ३ लाख ५१ हजार ९४६ र एसएक्सएल म्याट १५० को मूल्य ४ लाख ५ हजार ९४६ रुपैयाँ छ । त्यसैगरी भेस्पा एलिगेन्टको मूल्य ४ लाख २५ हजार ९४६ रुपैयाँ छ ।

अप्रिलिया स्टोर्म १२५ को मूल्य २ लाख ६५ हजार ९ सय, एसआर १२५ को मूल्य २ लाख ७२ हजार ९ सय, एसआर १५० को मूल्य ३ लाख २१ हजार ४ सय र एसआर १५० को मूल्य ३ लाख ४४ हजार ४ सय रुपैयाँ छ ।

त्यसैगरी अप्रिलिया एसएक्सआर १६० बीएस६ को मूल्य ४ लाख ४६ हजार ९ सय रुपैयाँ छ ।

भेस्पा र अप्रिलिया स्कुटर किन्दा हाल नयाँ वर्ष २०७९ को अवसरमा विभिन्न अफर समेत प्राप्त गर्न सकिन्छ । यस अनुसार स्क्र्याच कार्डमार्फत ७ हजार ५ सय देखि ७५ हजार रुपैयाँ सम्म नगद छुट पाउने सम्भावना हुन्छ ।

विक्ली प्राइजको रुपमा गोसाईकुन्ड हेलीटुर र सामसुङ ए५२एस स्मार्टफोन पाउन सकिन्छ भने बम्पर प्राइजको रुपमा एक जना भाग्यशाली विजेताको जोडीले बाली भ्रमणको अवसर पाउने छन् ।

स्कुटर किन्ने ग्राहकलाई निःशुल्क हेल्मेट र किरिङ लगायतका विभिन्न एसेसरिज समेत प्रदान गरिने कम्पनीको भनाइ छ ।