सुजुकी गाडी किन्दा २ लाख सम्मको नगद छुट, एक्सचेन्ज गर्दा १ लाख २५ हजार सम्म बोनस

काठमाडौं – नेपालका लागि सुजुकी गाडीको आधिकारिक वितरक सीजी मोटोकर्पले नयाँ वर्ष २०७९ को अवसरमा ‘सुजुकी ह्याप्पी न्यु कार’ योजना ल्याएको छ ।

यो योजना अन्तर्गत ग्राहकले २ लाख रुपैयाँसम्मको नगद छुट, १ लाख २५ हजार रुपैयाँसम्म एक्सचेन्ज बोनस, १ वर्षको सवारी बिमा र स्क्र्याच कार्ड मार्फत ७५ हजार सम्म अतिरिक्त छुट पाउने छन् ।

नेपाली बजारमा हाल सुजुकीका एस्प्रेसो, वागनआर, सेलेरियो, इग्निस, स्विफ्ट, डिजायर, बलेनो, सियाज, इको, इको कार्गो, भिटारा ब्रेजा, अर्टिगा र एसक्रस उपलब्ध छन् ।

यो योजना नेपालभर रहेका सुजुकी गाडीका ३८ वटै सोरूमहरुमा लागू हुने कम्पनीले बताएको छ । त्यसैगरी यो योजना सीमित अवधिका लागि मात्र लागू हुने बताइएको छ ।