अब जावा मोटरसाइकल किन्दा फ्ल्याट १५ हजार डिस्काउन्ट, यस्तो छ सबै मोडलको मूल्य

काठमाडौं – नेपालका लागि क्लासिक लिजेन्ड्सको अधिकृत वितरक, अग्नि ग्रुपको सहायक कम्पनी अग्नि मोटोइंक प्रालि अन्तर्गत जावा मोटरसाइकलले नयाँ वर्ष २०७९ को अवसरमा न्यु इयर स्किम ल्याएको छ ।

नेपाली बजारमा उपलब्ध जावा मोटरसाइकलको फोर्टी–टु, जावा र पेराक सबै मोडलमा नेपाल अधिराज्यभरि लागु हुने गरी ल्याइएको सो स्किम अन्तर्गत क्लासिक मोटरसाइकल प्रेमीहरुले जावा मोटरसाइकल खरिद गर्दा १५ हजार रुपैयाँको फ्ल्याट डिस्काउन्ट पाउन सक्ने छन् ।

यो अफरको लाभ जावा मोटरसाइकलको विर्तामोड, धरान, इटहरी, विराटनगर, लहान, वीरगन्ज, नारायणघाट, पोखरा, बाग्लुङ्ग, बुटवल, भैरहवा, नेपालगञ्ज, सुर्खेत, दाङ्ग र धनगढीका विभिन्न शाखा र डिलरहरुबाट सजिलै लिन सकिने बताइएको छ ।

अन्तर्राष्ट्रिय बजारमा राम्रो स्थान पाएको साथै नेपालमा पनि निकै रुचाईएको जावा मोटरसाइकलले यस स्किममार्फत सबैबाट थप सकारात्मक प्रतिक्रिया पाउने विश्वास पनि गरिएको कम्पनीले बताएको छ ।

नेपाली बजारमा जावा क्लासिक सिंगल च्यानल एबीएसको मूल्य ७ लाख ५ हजार र डबल च्यानल एबीएसको मूल्य ७ लाख ३६ हजार रुपैयाँ छ । त्यसैगरी जावा फोर्टी टु सिंगल च्यानल एबीएसको मूल्य ६ लाख ७३ हजार र ७ लाख ४ हजार रुपैयाँ तथा जावा पेराकको मूल्य ८ लाख २० हजार रुपैयाँ छ ।