५६ लाख ५० हजारमै ६ वटा एयर व्याग भएको एसयुभी

ग्लोबल एनक्यापले भारतमा गरेको क्र्यास टेष्टमा ५ स्टार रेटिङ पाएको महिन्द्रा एक्सयुभी ३०० यो सेग्मेन्टमै सबैभन्दा सुरक्षित एसयुभीका रुपमा दर्ज भैसकेको छ । कम मूल्यमै खरिद गर्न सकिने यो एसयुभीमा कम्पनीले ६ वटासम्म एयर व्याग दिएको छ ।

नेपाली बजारमा उपलब्ध प्राय ७० लाखभन्दा बढी मूल्य पर्ने एसयुभीमा मात्र ६ वटा एयर व्याग दिइएको पाइन्छ । तर महिन्द्राले भने आफ्नो सब कम्प्याक्ट एसयुभी एक्सयुभी ३०० को डब्लू ८(ओ) भेरियन्टमा समेत ६ वटा एयर ब्याग दिएको हो । यो एसयुभी १.२ लिटर पेट्रोल र १.५ लिटर डिजेल इन्जिनमा उपलब्ध रहँदै आएको छ । यी दुबै इन्जिनको डब्लू ८(ओ) भेरियन्टमा ६ वटा एयर ब्याग दिइएको छ ।

यी एसयुभीको मूल्य नेपाली बजारमा १.२ लिटर पेट्रोलको ५६ लाख ५० हजार र १.५ लिटर डिजेलको ५७ लाख २५ हजार रुपैयाँ निर्धारण गरिएको छ । यति कम मूल्यमा ६ वटा एयर व्याग भएको एसयुभी अन्य ब्रान्डसंग रहेको पाइदैन ।

यो एसयुभीमा किलेस इन्ट्री, पुश वटन स्टार्ट, ७ इन्च टचस्क्रिन इन्फोटेनमेन्ट सिस्टम, एप्पल कार प्ले, एन्ड्रोइड अटो, फ्रेब्रिक अपहोल्स्ट्री, लेदर-याप स्टेयरिङ्ग ह्वील र गियर–नोभ, कन्ट्रोल, रिभर्स पार्किङ्ग क्यामेरा गाइडलाइन, सिक्स–वे एड्जस्टेबल ड्राइभर सिट, अटो हेडल्याम्प र वाइपरको विशेषता दिइएको छ ।

यसको अलवा, इलेक्ट्रीकल्ली फोल्डेबल ओरभीएमएस, एम्बीएन्ट इन्टेरियर लाइटिङ्ग, वान–टचअप डाउन ड्राइभर साइड विन्डो, १७ इन्च आलोय ह्वील, प्रोजेक्टर हेडल्याम्प, एलईडी डीआरएलएस, सिल्भर फिनिश फ्रन्ट एन्ड रियर स्किड प्लेट दिइएको छ ।