बुटवल भैरहवा क्षेत्रमा अब विद्युतीय बस गुड्ने

बुटवल – रुपन्देही र कपिलवस्तु जिल्लाका केही स्थानमा सुन्दर यातायातका विद्युतीय बसहरु गुड्ने भएका छन् । काठमाडौं उपत्यकामा पहिले देखि नै विद्युतीय बस चलाइरहेको सुन्दर यातायातले अब ती स्थानमा समेत विद्युतीय बस गुडाउने तयारी गरेको बताएको छ ।

हाल यी बसहरु सुनौली भन्सारमा आइसकेका र केही दिन पछि यी बस गुडाउनका लागि आवश्यक तयारी भइरहेको छ । सुन्दर यातायातका अध्यक्ष भेषबहादुर थापाका अनुसार यी बसहरु वातानुकुलित भएकाले तराइको गर्मीमा असाध्यै लोकप्रिय हुने विश्वास गरिएको छ ।

नेपालमा सुन्दर यातायातले मात्रै सीमित विद्युतीय बस सञ्चालन गरेको छ । सुन्दर यातायातले चिनियाँ बीएके ब्रान्डका बस ल्याएर राजधानीमा सञ्चालन गरिरहेको अवस्थामा अब राजधानी वाहिर समेत चलाउने तयारी गरेको हो ।

हाल भैरहवा–बुटवल र बुटवल–सालझण्डी हुँदै कपिलवस्तुको ४ नं. सम्म विद्युतीय वसहरु चल्ने र यसको स्वीकृतिको लागि आवश्यक कार्य भइरहेको थापाले बताए ।