टाटा अल्ट्रोज अब अटोमेटिक भेरियन्टमा पनि

यसअघि म्यनुअल ट्रान्समिसनमा मात्र उपलब्ध अल्ट्रोजलाई टाटा मोटर्सले अटोमेटिक भेरियन्टमा समेत लन्च गरेको छ । यो प्रिमियम ह्याचब्याक कारमा डुअल क्लच ट्रान्समिसन दिइएको हो । जुन यसअघिको म्यानुअल भेरियन्ट भन्दा निकै नै पावरफुल हुने दाबी गरिएको छ । यो नयाँ भेरियन्टको मूल्य ८ लाख १० हजार भारु निर्धारण गरिएको छ ।

अल्ट्रोज डीसीए ४५ पेटेन्ट गरिएको नयाँ प्रविधि र प्लानेटरी गियर सिस्टम भएको विश्वको पहिलो कार हो । भारतको प्रिमियम र सुरक्षित ह्याचब्याकको डीसीए भेरिएन्ट धेरै फिचरले सुसज्जित छ । सो कारले मारुती सुजुकीको बलेनोसँग प्रतिस्पर्धा गर्नेछ ।

सो कारमा एक्टिभ कुलिङ टेक्नोलोजी, मेसिन लर्निङ, सिफ्ट बाई वायर टेक्नोलोजी, सेल्फ–हिलिंग मेकानिजम र अटो पार्क लक सिस्टम भएको वेट क्लच समावेश छ । अल्ट्रोज डिसीए १.२ लिटर रेभोट्रोन पेट्रोल इन्जिनसँग जोडिएको छ । यो ४ भेरिएन्ट एक्सएम प्लस, एक्सटी, एक्सजेड र एक्सजेड प्लसमा उपलब्ध छ ।

अल्ट्रोज डिसीए नयाँ ओपेरा ब्लू कलरमा लन्च गरिएको छ । यसको साथै अल्ट्रोज डिसीए डाउनटाउन रेड, आर्केड ग्रे, एभिन्यू ह्वाइट र हार्बर ब्लू कलरमा पनि उपलब्ध छ ।

सो कारमा प्रिमियम लेदर सिट, अटो हेडल्याम्प, हरमन ७ इन्चको टचस्क्रिन, ७ इन्चको टीएफटी डिजिटल क्लस्टर, रियर एसी भेन्ट र आईआरए कनेक्टेड कार टेक्नोलोजी जस्ता एड्भान्स फिचर उपलब्ध छ ।

सो कारमा नयाँ ६ स्पिड ड्युअल क्लच गियरबक्स मात्र १.२ लिटर, ३ सिलिन्डर, नेचुरली एस्पिरेटेड पेट्रोल इन्जिनमा पेश गरिएको छ, ८६ एचपीको पावर र ११३ एनएमको टर्क जेनेरेट गर्छ । यद्यपि यो म्यानुअल भेरिएन्टको तुलनामा लगभग २० किलोग्राम भारी छ ।