बेनेली मोटरसाइकल तथा स्कुटरको खरिदमा २५ हजार नगद छुट

वेनेली मोटरसाइकलको नेपालका लागि आधिकारिक वितरक केटिएम इन्टरनेश्नल ट्रेडिङ प्रालिले नयाँ वर्ष अफर ल्याएको छ । उक्त अफर अन्तर्गत नयाँ वर्षको अबसरमा बेनेलीको मोटरसाइकल तथा स्कुटर खरिद गर्दा ग्राहकले सोझै २५ हजार नगद छुट पाउनेछन् । यो अफर नगद, एक्सचेन्ज र फाइनान्समा खरिद गर्ने सबै ग्राहकका लागि लागु हुने कम्पनीले बताएको छ ।

इटालियन ब्रान्ड बेनेलीको नेपाली बजारमा प्यानेरिया स्कुटर सहित १३५ सिसीको मोटरसाइकलदेखी ७५० सिसीसम्मको स्पोर्ट बाइक उपलब्ध रहँदै आएको छ । जसको मूल्य २ लाख ७५ हजार रुपैयाँदेखी २५ लाख १५ हजार रुपैयाँसम्म निर्धारण गरिएको छ ।

केही समयअघिमात्र भित्रिएको प्यानेरिया १२५ स्कुटरको मूल्य भने ३ लाख ३५ हजार रुपैयाँ तोकिएको छ । रेट्रो क्लासिक लुक्समा आधारित यो स्कुटर अहिले स्कुटर पारखीमाझ लोकप्रिय बनिरहेको कम्पनीको भनाई छ ।