रेनोको नयाँ ई-स्पेस इलेक्ट्रिक एमपीभीको पहिलो झलक सार्वजनिक, २०२६ पेरिस मोटर शोमा लन्च गरिने
रेनोले आफ्नो नयाँ ई-स्पेस इलेक्ट्रिक कन्सेप्टको पहिलो झलक सार्वजनिक गरेको...
फ्रान्सेली कार निर्माता कम्पनी रेनोले चाँडै नै नयाँ पुस्ताको डस्टर एसयूभी भारतमा प्रस्तुत गर्ने भएको छ । मिडिया रिपोर्टका अनुसार कम्पनीले डस्टरको नयाँ मोडलमा काम गरिरहेको र आगामी २ वर्षभित्र अन्तर्राष्ट्रिय बजारमा लन्च गर्ने अनुमान गरिएको छ ।
रेनोले हालै डस्टरको उत्पादन बन्द गरेको छ । रेनो डस्टर कम्पनीको सबैभन्दा सफल एसयूभी थियो । डस्टर लन्च गरेको १ वर्ष भित्र नै करिब ४० हजार युनिट बिक्री भएको थियो । हाल डस्टरको बिक्रीमा गिरावट आएपछि कम्पनीले डस्टरको उत्पादन बन्द गरेको छ ।
रिपोर्टका अनुसार नेक्स्ट जेनेरेशन रेनो डस्टर सीएमएफ–बी एलएस प्लेटफर्ममा तयार गरिनेछ । सो प्लेटफर्म फक्सवागनको एमक्युबी एओ आईएन प्लेटफर्मसँग मिल्दोजुल्दो छ जहाँ टाइगुन, भर्टस, स्लाभिया र कुशाक लगायतका मोडलहरू तयार गरिन्छ ।
सीएमएफ–बी एलएस प्लेटफर्म विशेषगरी भारत जस्ता विकासशील बजारहरूको लागि डिजाइन गरिएको हो । नयाँ डस्टरमा राम्रो इन्धन क्षमताका लागि हाइब्रिड पावरट्रेनको प्रयोग गर्ने अपेक्षा गरिएको छ । सो एसयूभीमा स्क्वायर फेन्डर्स, एलईडी हेडलाइट र एलईडी डीआरएल फिचर समावेश गर्ने अपेक्षा गरिएको छ ।
भारतमा डस्टर एसयूभी १.६ लिटर पेट्रोल इन्जिन र १.५ लिटर के९के डिजेल इन्जिनसहित दुई भेरिएन्टमा उपलब्ध गराइएको थियो । कम्पनीले सन् २०१६ मा अटोमेटिक गियरबक्स विकल्पको साथ भारतमा डस्टरको फेसलिफ्ट भर्सन लन्च गरेको थियो ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...