सार्वजनिक भयो फक्सवागन भर्टस, भेन्टोको स्थान लिने

फक्सवागन भर्टस सार्वजनिक भएकोे छ । सो नयाँ मोडल भारतीय बजारमा छिट्टै लन्च हुने भएको छ । फक्सवागन भर्टस नयाँ फिचर र उपकरणको साथै शानदार डिजाइनको साथ आउँदैछ । सो कारले भारतमा भेन्टोलाई प्रतिस्थापन गर्ने भएको छ । भर्टसको बुकिङ पनि सुरु भइसकेको छ ।

फक्सवागन भर्टसको अगाडि दुईवटा प्रोजेक्टर हेडलाइट सहित एलईडी डीआरएल, ड्युअल स्लेट ग्रिल एयर ड्याम र हेलोजन हेडलाइट देख्न सकिन्छ । साथै साइडमा ड्युअल टोन अलोय ह्विल, शार्क फिन एन्टेना, क्रोम इन्सर्ट सहितको डोर ह्यान्डल, कालो ओआरभीएम दिइएको छ । कारको रियरमा एलईडी टेललाइट दिइएको छ । यसलाई जीटी लाइन ट्रिममा ल्याइनेछ ।

भर्टसको लम्बाई ४४८२ एमएम, चौडाइ १७५१ एमएम, उचाई १४७२ एमएम र ह्विलवेस २६५१ एमएम रहेको छ । यो भेन्टो भन्दा ९२ एमएम लामो, ५२ एमएम चौडा, ५ एमएम अग्लो र ९८ एमएम बढी हो ।

फक्सवागन भर्टसमा १० इन्चको डिजिटल इन्स्ट्रयुमेन्ट क्लस्टर, ठूलो टचस्क्रिन बीडब्ल्यु इन्फोटेनमेन्ट सिस्टम, एन्ड्रोइड अटो र एप्पल कारप्ले सपोर्ट, कनेक्टेड कार टेक्नोलोजी, अटोमेटिक क्लाइमेट कन्ट्रोल, कीलेस इन्ट्री, वायरलेस चार्जिङ, रियर एयर कन्डिसन, एम्बियन्ट लाइटिङ, कनेक्टेड कार टेक्नोलोजी, इलेक्ट्रिक सनरुफ, क्रुज कन्ट्रोल, भेन्टिलेटेड फ्रन्ट सिट फिचर दिइएको छ ।

फक्सवागन भर्टसमा ४० सेफ्टी फिचर दिइएको छ । यसमा ६ वटा एयरब्याग, इलेक्ट्रोनिक स्टेबिलिटी कन्ट्रोल, इलेक्ट्रोनिक डिफरेन्सियल सिस्टम, मल्टि–कोलिजन ब्रेक, रियर पार्किङ क्यामेरा, आइएसओफिक्स चाइल्ड सिट माउन्ट, टायर प्रेसर मोनिटरिङ सिस्टम, एबीएस, ईबीडी, फ्रन्ट र रियर पार्किङ सेन्सर दिइएको छ । कम्पनीले यसलाई ६ रङको विकल्पमा ल्याउन लागेको छ ।

सो कारमा १.० लिटर टीएसआई टर्बो पेट्रोल इन्जिन जडान गरिएको छ, जसले ११० बीएचपी पावर र १७० एनएमको टर्क जेनेरेट गर्छ । साथै यसमा १.५ लिटर इन्जिन पनि रहेको छ, जसले १५० एचपी पावर र २५० एनएमको टर्क जेनेरेट गर्छ । यसमा ६ स्पिड म्यानुअल गियरबक्स, ६ स्पिड अटोमेटिक टर्क कन्भर्टर र ७ स्पिड डिएसजी अटोमेटिक गियर समावेश छ ।

फक्सवागन भर्टस २ भेरिएन्ट डायनामिक लाइन र जीटी लाइनमा लन्च गरिनेछ । यो कम्पनीको एमक्युबी एओ इन प्लेटफर्ममा निर्माण गरिनेछ । यो कम्पनीको इन्डिया २.० प्रोजेक्ट अन्तर्गत चौथो मोडल हुनेछ । फक्सवागन भर्टस एक शानदार सेडान कार हो जुन यसको सेग्मेन्टमा सबैभन्दा लामो हुने अनुमान गरिएको छ ।

यो नयाँ कार २०२२ मा भारतमा लन्च गरिने छ । नेपाली बजारमा पनि यो कार आउने अनुमान गर्न सकिन्छ ।