अन्तर्राष्ट्रिय स्तरका प्रिमियम सेफ्टी गियर र अन्य सामग्री अब नेपालमै उपलब्ध

काठमाडौं – सेफ्टी राइडिङका लागि आवश्यक अमेरिकी ब्रान्डका प्रिमियम सेफ्टी गियर नेपालमै उपलब्ध हुने भएको छ । जीपी गियरिङ नेपालले यस्ता प्रिमियम सेफ्टी गियर र विभिन्न सामग्री नेपालमै उपलब्ध गराइरहेको छ ।

अमेरिका, जापान, इटाली र अन्य युरोपेली देशबाट आयात गरिएका यस्ता प्रिमियम सेफ्टी गियर, ज्याकेट र प्यान्ट सेट, लिमिटेड एडिसन हेल्मेट, लिमिटेड एडिसन बुट र ग्लोभ्स, पावर पार्ट्स र अन्य आफ्ट मार्केट पार्ट्स उक्त अनलाइन स्टोरबाट उपलब्ध हुने बताइएको छ ।

पूर्ण रुपमा जेन्युइन र प्रिमियम प्रोडक्ट भएकाले यस्ता राइडिङ गियर अन्य सामग्रीको तुलनामा केही महंगा भए पनि राइडरहरुका लागि अति नै सुरक्षित र अत्यावश्यक सामग्री हुन् । यद्यपि केही सामग्री बजेटमैत्री समेत छन् ।

मोटर स्पोर्ट्समा रुचि राख्ने मात्र होइन, राइडिङ गर्दा आफ्नो सुरक्षा मात्र नभई स्टाइल समेत चाहनेहरुका लागि यी सामग्री निकै नै उपयोगी हुने बताइएको छ ।

जीपी गियरिङ नेपाल एक अनलाइन स्टोर हो । ग्राहकको माग अनुसार यस्ता अन्य सामग्री समेत आयात गर्न सकिने यसका संचालक पियुष गजुरेलले बताए ।

जीपी गियरिङ नेपालको फेसबुक र इन्स्टाग्राम पेजमार्फत यी सामग्रीको वारेमा जानकारी लिन र अर्डर गर्न सकिन्छ ।