नेपालमा इलेक्ट्रिक कार चार्जर : ७ महिनामा सबैभन्दा धेरै भारतबाट र दोस्रोमा चीनबाट भित्रिए

काठमाडौं – नेपाली बजारमा चालु आर्थिक वर्षको सात महिनामा सबैभन्दा धेरै इलेक्ट्रिक गाडीका लागि कार चार्जर भित्रिएका छन् । भन्सार विभागको तथ्यांक अनुसार गत साउन देखि माघ महिना सम्मको अवधिमा भारतबाट १ लाख ५३ हजार ७७५ युनिट चार्जर भित्रिए । त्यसैगरी चीनबाट १८ हजार ५ सय चार्जर भित्रिएका छन् ।

यी वाहेक इटाली र दक्षिण कोरियाबाट ५/५, जापानबाट ३, जर्मनी र अमेरिकाबाट २/२ र पोर्चुगलबाट एउटा इलेक्ट्रिक चार्जर भित्रिएका छन् ।

नेपालमा पछिल्लो समयमा चार्जिङ स्टेशन निर्माण गर्ने कार्य तीव्र गतिमा भइरहेको छ । गाडी आयातकर्ता कम्पनीहरु आफैले पनि निर्माण गरिरहेका छन् भने नेपाल विद्युत प्राधिकरणका साथै विभिन्न निजी क्षेत्रले समेत स्टेशन निर्माणमा रुचि देखाएका छन् ।