यस्तो देखियो नयाँ टोयोटा ग्लान्जा : नयाँ टिजर सार्वजनिक, १५ मार्चमा लन्च हुने

नयाँ टोयोटा ग्लान्जा चाँडै भारतमा लन्च हुने भएको छ । हालै कम्पनीले नयाँ टोयोटा ग्लान्जाको आधिकारिक टिजर सार्वजनिक गरेको छ । नयाँ टोयोटा ग्लान्जा अपडेटेड डिजाइन र नयाँ फिचरसहित लन्च गरिने छ ।

सो मोडल मारुती बलेनोमा आधारित छ, तर कम्पनीले यसमा बलेनो बाहेक धेरै परिवर्तन गरेको छ जसका कारण यो फरक देखिने भएको छ । कम्पनीले यसलाई १५ मार्च २०२२ मा भारतीय बजारमा लन्च गर्नेछ ।

नयाँ टोयोटा ग्लान्जामा नयाँ हेडलाइट युनिट, अपडेटेड डीआरएल, रिस्टाइल फ्रन्ट ग्रिल र फ्रन्ट टोयोटा ब्याज सहित नयाँ फ्रन्ट लुक समावेश गरिएको छ । साथै, रियरमा नयाँ एलईडी टेललाइट, नयाँ डिजाइन गरिएको बडी प्यानलहरू दिइएको छ । कारको इन्टेरियरमा नयाँ हेड अप डिस्प्ले युनिट, अपडेटेड इन्फोटेनमेन्ट सिस्टम, वायरलेस एप्पल कारप्ले र एन्ड्रोइड अटो कनेक्टिभिटी, रिडिजाइन गरिएको ड्यासबोर्ड, नयाँ एसी भेन्ट्स आदि दिइएको छ ।

नयाँ टोयोटा ग्लान्जामा ६ वटा एयरब्याग, इलेक्ट्रोनिक स्टेबिलिटी कन्ट्रोल, नयाँ रङको अपहोल्स्ट्री, बलेनो जस्तै ड्यासबोर्ड, नयाँ कन्ट्रोल बटन, नयाँ इन्स्ट्रयुमेन्ट क्लस्टर बटन, हेड अप डिस्प्ले, ३६० डिग्री क्यामेरा जस्ता फिचरहरू समावेश गरिएको छ ।

टोयोटा ग्लान्जामा १.२ लिटर ड्युअलजेट पेट्रोल इन्जिन दिन सकिन्छ, जसमा ५ स्पिड म्यानुअल गियरबक्स र एएमटी गियरबक्स रहेको छ । कम्पनीले यो मिड र टप भेरिएन्ट विकल्पमा मात्र उपलब्ध गराउने सम्भावना छ ।

कम्पनीले नयाँ टोयोटा ग्लान्जाको मूल्यको बारेमा केही आधिकारिक जानकारी दिएको छैन ।