कस्तो हुनेछ टाटा एसयुभीको काजीरंगा एडिसन ? यी बिशेषता हुनेछन् थप

एसयुभीको उत्पादन र कारोबारमा आक्रमक देखिएको टाटा मोटर्सले पछिल्लो समय बिभिन्न एडिसनका यस्ता गाडी सार्बजनिक गरिरहेको छ । केही समयअघिमात्र सफारी, नेक्सन र ह्यारियरको डार्क एडिसन लन्च गरेको यो कम्पनीले अहिले काजीरंगा एडिसन सार्बजनिक गरिरहेको छ । कम्पनीले भरतीय बजारमा लोकप्रिय बनिरहेको सफारी, ह्यारियर, नेक्नस र पन्च एसयुभीको काजीरंगा एडिसन सार्बजनिक गरिएको हो ।

भारतको प्रसिद्ध नेश्नल पार्क काजीरंगा प्रति श्रद्धा ब्यक्त गर्ने गरी सार्बजनिक गरिएको यो एडिसनमा कम्पनीले केही नयाँ फिचर्स समेत थप गरेको छ । घाँसे मैदानको पेन्ट थिममा डिजाइन गरिने यी एसयुभीमा स्ट्यान्डर्ड मोडलको तुलनामा अन्य केही कस्मेटिक चेन्ज समेत गरिनेछ । जसलाई गाडीभित्रको इन्टेरियरमा समेत देख्न सकिन्छ ।

पियानो ब्ल्याक फिनिसमा डुअल टोन रुफ सहित निर्माण हुने यो एडिसनको अर्को प्रमखु बिशेषताका रुपमा फ्रन्ट फेन्डरमा दिइने एकसिंगे गैडाको मस्कट रहनेछ । जसले ‘गो एनिह्वेयर’ डिएनएलाई अत्मसाथ गर्ने बताइएको छ । साथै यसमा व्ल्याक जेट एलोय ह्विल्स समेत दिइनेछ ।

यो एडिसन अन्तर्गत उपलब्ध हुने एसयुभीको मूल्य केही महंगो पर्ने जनाइएको छ । जसअन्तर्गत पन्चको ८ लाख ५८ हजार, नेक्सनको ११ लाख ७८ हजार, ह्यारियरको २० लाख ४ हजार र सफारीको २० लाख ९९ हजार भारु निर्धारण गरी बुकिङ लिने काम भैरहेको छ ।