हिमालयन बैंकमा आज फक्सवागन टाइगुनको टेष्ट ड्राइभ

फक्सवागन गाडीको नेपालका लागि आधिकारिक बितरक पूजा इन्टरनेश्नल नेपालले आज कमालादीस्थित हिमालयन बैंकमा टेष्ट ड्राइभ कार्यक्रम आयोजना गरेको छ । बिहान ८ बजदेखी शुरु गरिएको टेस्ट ड्राइभ साँझ ४ बजेसम्म आयोजना हुने र उक्त कार्यक्रममा गएर जोकोहीले पनि यो मिड साइज कम्प्याक्ट एसयूभीको टेस्ट ड्राइभ गर्न सकिने बताइएको छ ।

टेस्ट ड्राइभ गरेर गाडी उचित लागेमा सोही स्थानबाट बुकिङ समेत लिन सकिनेछ । यसरी बुकिङ लिँदा ग्राहकले आकर्षक नगद छुट, लोयल्टि बोनस, निशुल्क एसेसोरिज, एक आर्थिक बर्षको निशुल्क रोड ट्याक्स, एक्सचेन्ज बोनस र सहज फाइनान्सको सुबधा पाउनेछन् । यो गाडीको शुरुवाती मुल्य ५० लाख ९० हजार रुपैयाँ निर्धारण गरिएको छ । सबैभन्दा महंगो भेरियन्टलाई ७० लाख ९० हजार रुपैयाँ पर्छ ।

यसै बर्षको असोज मध्येतिर लन्च गरिएको यो नयाँ एसयुभी सुपथ मूल्यमा युरोपियन ब्रान्ड चाहने ग्राहकको रोजाइमा पर्न सफल भैरहेको छ । टाइगुनमा ९९९ सीसीको टर्बो–चाज्र्ड स्ट्राटिफाइड इन्जेक्सन (टीएसआई) इन्जिन जडान गरिएको छ । जसको अधिकतम पावर ११५ पीएस र टर्क १७८ एनएम रहेको छ । जुन सेग्मेन्टकै सबैभन्दा धेरै रहेको दाबी गरिएको छ ।
यो गाडीमा १० इन्चको इन्फोटेनमेन्ट सिस्टम, ठूलो ह्विलबेस, फुल डिजिटल क्लस्टर, फ्रन्ट भेन्टिलेटेड सिट, हिल असिस्ट कन्ट्रोल, इलेक्ट्रिक मुनरुफ, ३८५ लिटरको बकेट टाइप बुट स्पेस र एलईडी टेल लाइट लगायतका विभिन्न फिचर्स दिइएको छ ।

त्यसैगरी टायर प्रेसर डिफ्लेक्सन वार्निङ, बक्स सेन्सर सहितको रिभर्स क्यामेरा, इलेक्ट्रोनिक ब्रेक फोर्स डिस्ट्रिब्युसन, हिल होल्ड कन्ट्रोल, थ्री रियर हेड रिस्ट्रेन्स, मल्टी–कोलिजन ब्रेक, हाई स्ट्रेन्थ स्टिल स्ट्रक्चर, ६ वटा सम्म एयरब्याग, सबै यात्रुका लागि थ्री प्वाइन्ट सेफ्टी बेल्ट सहित ४० भन्दा बढी एक्टिभ र प्यासिभ सेफ्टी फिचर्स उपलब्ध गराइएको छ ।