फिलिपिन्समा डीएचएलले प्रयोग गर्न थाल्यो बीवाईडी टी३ इलेक्ट्रिक भ्यान

डीएचएल एक्सप्रेस फिलिपिन्सले आफ्नो लजिस्टिक फ्लिटमा बीवाईडीका इलेक्ट्रिक भ्यानलाई समावेश गरेर इलेक्ट्रिक सवारी साधन प्रयोग प्रारम्भ गरेको छ । यसका लागि डीएचएलले ३ थान टी३ इलेक्ट्रिक भ्यान लिएको छ ।

ब्लेड ब्याट्री प्याकयुक्त बीवाईडी टी३ भ्यानले सिंगल चार्जमा २५० किलोमिटरको रेन्ज दिन्छ । त्यसैगरी यसले ३.५ क्युबिक मिटर कार्गो बोक्न सक्छ ।

डीएचएलले शून्य कार्बन उत्सर्जन अभियानका लागि ७ बिलियन युरो खर्च गर्ने योजना बनाएको छ र यसको पहिलो चरणको रुपमा यसको शुरुवात गरिएको हो । डीएचएल ग्लोबलले सन् २०३० सम्म ६० प्रतिशत भेइकल फ्लिटलाई प्युर इलेक्ट्रिक बनाउने योजना बनाएको छ ।

बीवाईडी विश्व प्रसिद्ध इलेक्ट्रिक सवारी साधन निर्माता कम्पनी हो । नेपाली बजारमा पनि साइमेक्स इंकले बीवाईडीका सवारी साधन बिक्री–वितरण गरिरहेको छ ।

नेपाली बजारमा पनि बीवाईडी टी३ इलेक्ट्रिक भ्यान बिक्रीका लागि उपलब्ध छ । यसको मूल्य । नेपाली बजारमा उपलब्ध बीवाईडी टी३ ले सिंगल चार्जमा ३१० किलोमिटरको रेन्ज दिने बताइएको छ । यसको मूल्य ३८ लाख रुपैयाँ रहेको छ ।