क्रसफायर वाइकको फ्रि चेकअप र टेष्ट राइड क्याम्प आयोजना हुने

क्रसफायर तथा इटालिका मोटोको नेपालका लागि आधिकारिक बिक्रेता क्लासिक ह्विल्स एक्स्पोर्ट एन्ड इम्पोर्ट प्रालिले पर्सिदेखी फ्रि चेकअप र टेष्ट राइड क्याम्प आयोजना गर्ने भएको छ । ४ दिनसम्म चल्ने उक्त क्याम्प एकान्तकुनास्थित शोरुममा अयोजना हुने बताइएको छ ।

उक्त क्याम्पमा क्रसफायर र इटालिका मोटो वाइकको मेकानिकल पार्ट्समा १६ प्वाइन्ट र लुब्रिकेसनमा ९ प्वाइन्ट निशुल्क चेकजाँच गरिनेछ । साथै स्पेयर पार्ट्समा १५ प्रतिशत र इन्जिन आयलमा १० प्रतिशत छुट उपलब्ध गराइने कम्पनीको भनाई छ । क्याम्पेनमा सहभागी भई क्रसफयारको ट्रेकर २५० र एचेजे २५० मोटरसाइकल र इटालिका मोटोको फर्मूला १५० स्कुटरको टेष्ट राइड समेत गर्न सकिनेछ ।

फ्रि चेकअप अन्तर्गत मोटरसाइकलको स्पार्क प्लग, एयर क्लिनर, इन्जिन आयल, ब्रेक प्याडल, क्लच लिभर, स्टेरिङ बेरिङ, ब्रेक क्यालिपर, ब्रेक प्याड÷ब्रेक शू र ब्याट्री लगायत १६ प्वाइन्टको निशुल्क चेकजाँच गरिनेछ । त्यसैगरी लुब्रिकेशन अन्तर्गत थ्रोटल केबल, क्लच केबल, ड्राइभ चेन, फुट रेस्ट, स्ट्यान्ड, किहोल, स्विचहरु र चेन एड्जस्टरको समेत चेकजाँच गरिनेछ ।

राइडरले आफ्नो मोटरसाइकलमा के कस्ता समस्याहरु छन् भनेर पहिचान गर्न र समयमै मेन्टिनेन्स गर्न सहज होस भने उक्त क्याम्पेन आयोजना गरिएको र आगामी दिनमा देशभर अयोजना गर्दै जाने कम्पनीको भनाई छ ।