जावाका बीएस६ मोडल मोटरसाइकलमा ५ वर्ष सम्म निःशुल्क सर्भिसिङ उपलब्ध हुने

काठमाडौं - नेपालका लागि क्लासिक लिजेन्ड्सको अधिकृत वितरक अग्नि ग्रुपको सहायक कम्पनी अग्नि मोटोइंक प्रालिअन्तर्गत जावा मोटरसाइकलले अब फोर्टी–टू जावा र पेराकको बीएस–सिक्स मोडलमा ५ वर्षसम्म फ्री सर्भिसिङ सुविधा दिने भएको छ ।

ग्राहकले काठमाडौं, बिर्तामोड, धरान, इटहरी, विराटनगर, लहान, पोखरा, नारायणघाट, बुटवल, भैरहवा, नेपालगञ्ज, वीरगञ्ज, सुर्खेत, दाङ, बाग्लुङ र धनगढीका विभिन्न शाखा र डिलरबाट जावा बाइकमा फ्री सर्भिसिङको सुविधा लिन सक्नेछन् । कम्पनीले ग्राहकलाई नेपालका विभिन्न स्थानमा रहेका सोरुममार्फत पाइने फ्री लेबर चार्ज सुविधा उपलब्ध गराउँदै आएको छ ।

नेपाली बजारमा उपलब्ध जावा र जावा ४२ दुवैमा २९३ सीसी लिक्विड कुल्ड सिंगल सिलिन्डर डीओएचसी इन्जिनको प्रयोग गरिएको छ । दुवै बाइकमा अब क्रस पोर्ट टेक्नोलोजी पनि समावेश गरिएको छ, जसले इन्जिनको भोल्युमेट्रिक दक्षतालाई उत्कृष्ट चार्ज र निकास ग्याँस प्रवाहको लागि सहज बनाउनुका साथै कार्यक्षमता वृद्धि गर्ने र टर्क उत्पादन गर्ने गर्दछ ।