यामाहा एरोक्स १५५ सँग प्रतिस्पर्धा गर्न होन्डाले ल्यायो नयाँ भेरियो १६० स्कुटर

होन्डा भेरियो १६० इन्डोनेसियाली बजारमा लन्च गरिएको छ । यो सीबीएस र ड्युअल च्यानल एबीएस गरी दुई ट्रिममा उपलब्ध छ, जसको मूल्य करिब २ लाख रुपैयाँ भन्दा बढी नै हुनेछ ।

इन्डोनेसियामा भेरियो १२५ र भेरियो १५० स्कुटर निकै लोकप्रिय छ । होन्डाले भेरियो स्कुटर २००६ देखि इन्डोनेसियामा बेच्दै आएको छ । पुरानो मोडलमा पहिले पनि कैयौ पटक अपडेट र कस्मेटिकको साथ साथै परफर्मेन्समा पनि परिवर्तन गरिसकेको छ ।

भेरियो स्कुटरको फ्रन्टमा एलइडी डीआरएल आइब्रो सहितको अल न्यु ट्विन बीम एलईडी हेडल्याम्प उपलब्ध छ । कम्पनीले एलईडी पोजिसन ल्याम्पसँगै टर्न इन्डिकेटरहरू समावेश गरेको छ जसले अगाडिको भाग निकै बोल्ड बनाएको छ । एक्सटेरियर हाइलाइटमा चंकी सिंगल–पीस ग्र्याब रेल समावेश छ । स्कुटरमा फ्लोरबोर्ड, एक्जस्ट मफलर, अलोय ह्विल, रियरभ्यु मिरर र ह्यान्डलबारमा सानो भाइजर समावेश छ ।

स्कुटरमा फुल डिजिटल इन्स्ट्रयुमेन्ट कन्सोल, १८ लिटर बुट, स्ट्यान्डर्ड यूएसबी चार्जर र डिस्क ब्रेकहरू पनि छन् । स्कुटरमा रहेको मिटर कन्सोलले फ्युल स्तर, कभर गरिएको दुरी, औसत इन्धन खपत, गति जस्ता महत्वपूर्ण जानकारी देखाउँछ ।

नयाँ स्कुटरमा १६० सीसी सिंगल सिलिन्डर, लिक्विड कुल्ड इन्जिन छ । सो इन्जिनले १५ बीएचपीको पावर र १३.४ एनएमको टर्क जेनेरेट गर्छ । यो स्कुटरको पावर आउटपुट यामाहा एरोक्स १५५ बराबर छ ।

भेरियो १६० मा १४ इन्च अलोय ह्विल ९०/८० सेक्शन र १००/८० सेक्शनको टायर उपलब्ध छ । यसमा ड्युअल च्यानल एबीएस पनि छ ।