नेपालमा कारोबार हुने यी कारमा दिइएको छ सिभिटी ट्रान्समिसन

सवारीसाधनमा प्रयोग हुने गियर बक्स मुलत म्यानुअल र अटोमेटिक गरी दुई प्रकारका हुन्छन्, जसलाई ट्रान्समिसन समेत भन्ने गरिन्छ । अटोमेटिक पनि एएमटी, सिभिटी, डिसिटी, टर्क कन्भर्टर र टिप्ट्रोनिक ट्रान्समिसन गरी कुल ५ प्रकारका हुन्छन् । जसमध्ये पछिल्लो समय सबैभन्दा बढी प्रयोगमा आउने गरेको ट्रान्समिसन भने सिभिटी यानकी कन्टिनियस्लि भेरियबल ट्रान्समिसन हो ।

स्टिल गियरको स्थानमा बेल्ट प्रयोग गरिने यो ट्रान्समिसन जडित सवारीसाधनको इन्जिनले स्पिड अनुरुप गियर रेसियको आधारमा निरन्तर आफै गियर सिफ्ट गर्छ । यसले एक्सिलेरेसनलाई निरन्तर चालु राख्छ र फ्युल इफिसियन्सि समेत बढाउन मद्धत गर्छ । नेपाली बजारमा उपलब्ध प्राय सबैजसो स्कुटरमा यहि ट्रान्समिसनलाई प्रयोगमा ल्याइएको छ ।

नेपाली बजारमा यो ट्रान्समिसन प्रयोग गरिएका थुप्रै प्यासेन्जर कारहरु उपलब्ध छन् । भारतमा निर्माण गरिएका १५ सय सिसी क्षमताका अधिकांश कार र अन्य मुलुकबाट भित्रिएका केही एसयुभीहरुमा समेत सिभिटी ट्रान्समिसन प्रयोग भएका छन् ।

जसमध्ये, हाल बजारमा कारोबार भैरहेको होन्डाको सिटी सेडान र बिआरभी एसयुभीमा यो ट्रान्समिसन प्रयोग भएको छ । त्यसैगरी हुन्डाइले क्रेटा, मित्सुबिसीले एक्ल्प्सि क्रस, निसानले किक्स, टोयोटाले ¥याभफोर र कोरोला क्रस, सुबारुले आउटब्याक, फोरेस्टर र एक्सभी एसयुभी र डिएफएसकेले ग्लोरी ५८० र ग्लोरी आई–अटो सिभिटी इन्जिनमा भित्राएर कारोबार गर्दै आइरहेका छन् । यसका अतिरिक्त नेपालमा कारोबार हुने अन्य केही कारहरुमा समेत यो ट्रान्समिसन प्रयोग भएको हुनसक्ने देखिएको छ ।