सिप्रद्धी ट्रेडिङले ल्यायो टाटा इन्ट्रामा क्यासब्याक अफर

टाटा मोटर्सको नेपालका लागि आधिकारिक बितर सिप्रद्धी ट्रेडिङले सानो ट्रक इन्ट्रामा क्यास ब्याक अफर ल्याएको छ । उक्त अफर अन्तर्गत ग्राहकले इन्ट्रा भी१० को खरिदमा १ लाख र भी२० को खरिदमा १ लाख ५० हजार रुपैयाँ क्यास ब्याक पाउनेछन् ।

साथै नगदमा खरिद गर्दा क्यासब्याकको अतिरिक्त २५ हजार रुपैयाँ छुट पाउनेछन् । नगदमै एएमसी स्किम सहित खरिद गर्दा क्यासब्याक र १ बर्षको सिल्भर एएमसी प्याकेज समेत उपलब्ध गराइने बताइएको छ । यो योजना टाटा कमर्सियल भेहिकलको नेपालभर रहेका शोरुममा उपलब्ध रहने र चैत्र १६ गतेसम्म लागु हुने कम्पनीको भनाई छ । नेपाली बजारमा इन्ट्रा भी२० को मूल्य १९ लाख ७५ हजार रुपैयाँदेखी निर्धारण गरिएको छ ।

हलुका सामान ढुवानीमा प्रयोग हुने टाटा इन्ट्रा भी२० मा १४ सय सिसी क्षमताको इन्जिन जडान गरिएको छ । जसको अधिकतम पावर ७० एचपी र टर्क १४० एनएम रहेको छ । ८० किलोमिटर प्रतिघन्टाको उच्चतम गतिमा हाँक्न सकिने यो ट्रकमा ६ स्पिड म्यानुअल गियरबक्स जडान गरिएको छ । पावर स्टेरिङ दिइएको यो ट्रकको अगाडी चक्कामा डिस्क र पछाडी ड्रम ब्रेक दिइएको छ ।

यसको ग्राउन्ड क्लिरियन्स १७० एमएम, ह्विबेश २२५० एमएम र टर्निङ रेडियस ४७५० एमएम रहेको छ । १ हजार १ सय किलो भार बहन गर्न सक्ने क्षमता रहेको यसको कुल तौल २ हजार ३ सय किलोग्राम रहेको छ ।