नियूको एक्सचेन्ज क्याम्पेन आजदेखी शुरु, नगद छुट र अतिरिक्त एक्सचेन्ज मूल्यांकन पाइने

इलेक्ट्रिक स्कुटर नियूले आजदेखी एक्सचेन्ज क्याम्पेन आयोजना गरेको छ । फागुन ४ गतेसम्म चालु रहने उक्त क्याम्पेनमा ग्राहकले आफूसंग भएको कुनैपनि पुरानो मोडलको मोटरसाइकल तथा स्कुटरसंग नियू ब्रान्डको इलेक्ट्रिक स्कुटर एक्सचेन्ज गर्दा ७ हजार रुपैयाँ नगद छुट र पुरानो बाइकमा १५ हजार रुपैयाँसम्मको अतिरिक्त मूल्यांकन पाउनेछन् ।

साथै ग्राहकले उक्त ब्रान्डको मर्चेन्डाइज जित्न सक्नेछन् भने फाइनान्स सुबिधामा स्कुटर खरिद गर्दा सून्य प्रतिशत ब्याजदरको सुबिधा समेत पाउनेछन् । साथै सून्य प्रतिशत अपफ्रन्ट चार्जको सुबिधा समेत उपलब्ध गराइइको छ । उक्त क्याम्पेन नियूको सम्पूर्ण शोरुममा आयोजना गरिएको बताइएको छ ।

नेपाली बजारमा नियूको एनक्यूआई स्पोर्ट, एनक्यूआई–जीटी, एमक्यूआई प्लस र गोभा लागायत अन्य मोडलका स्कुटर उपलब्ध रहँदै आएका छन् । जसको मूल्य क्रमश ३ लाख १० हजारदेखी ३ लाख १५ हजार रुपैयाँसम्म, ४ लाख ४५ हजार, २ लाख ५५ हजार र २ लाख ५५ हजार रुपैयाँ निर्धारण गरिएको छ । यो स्कुटरलाई इको इन्फिनिटी प्रालिले आयत गरी कारोबार गर्दै आइरहेको छ ।