कियाको लोकप्रिय कार सेल्टोस अब प्यानोरामिक सनरुफ सहित आउने

दक्षिण कोरियाली कार निर्माता कम्पनी कियाले सेल्टोसको फेसलिफ्ट भर्सनमा काम गरिरहेको छ । नयाँ किया सेल्टोस चाँडै नै विश्वव्यापी रूपमा लन्च हुने अपेक्षा गरिएको छ ।

किया सेल्टोस २०१९ मा भारतीय बजारमा लन्च गरिएको थियो । हाल यो नेपाली बजारमा पनि लोकप्रिय एसयूभीको रुपमा परिचित छ । भारतमा लन्च गरिएको लगभग ३ वर्ष पछि किया सेल्टोसमा केही अपडेट हुने भएको छ । अपडेट गरिएको किया सेल्टोस २०२२ को मध्यमा लन्च गर्ने सम्भावना छ ।

अपडेट सेल्टोसको सबैभन्दा ठुलो आकर्षण प्यानोरामिक सनरुफ हुनेछ । कोरियाली निर्माताले पुरानो मोडलमा सिंगल सनरुफको साथ प्रस्तुत गरेको थियो । रिपोर्टका अनुसार यो सेन्सर आधारित एडीएएसलाई टप भेरिएन्टमा पेश गर्नेछ ।

यद्यपि, नयाँ किया सेल्टोसको इन्जिनमा केही परिवर्तन गर्ने छैन । यसमा १.५ पेट्रोल नेचुरल एस्पिरेटेड इन्जिनले ११४ एचपीको पावर, १.४ पेट्रोल टर्बोचाज्ड इन्जिनले १४० एचपीको पावर र १.५ टर्बो डिजेल इन्जिनले ११५ एचपीको पावर जेनेरेट गर्छ । सो इन्जिन म्यानुअल र अटोमेटिक गियरबक्स विकल्पको रुपमा उपलब्ध छन् ।