अटो व्यवसायी र ट्राफिक प्रहरीले बाँडे मास्क

काठमाडौं - ललितपुरको महालक्ष्मीस्थानमा अवस्थित युनिराइड अटो, नेपाल अटो रिकन्डिसन व्यवसायी संघ र ललितपुर महानगरीय ट्राफिक कार्यालयको संयुक्त आयोजनामा सर्वसाधारणलाई मास्क वितरण गरिएको छ ।

टीभीएसको ललितपुरस्थित डिलर युनि राइड अटोका सञ्चालक निर्मल सिग्देल, नेपाल अटो रिकन्डिसन व्यवसायी संघका अध्यक्ष बीएन पाठक र ललितपुर महानगरीय ट्राफिक कार्यालय प्रमुख नरेश बहादुर शाहीको नेतृत्वमा मास्क वितरण गरिएको हो । हाल कोभिड संक्रमणको अवस्थामा सर्वसाधारणलाई मास्क आवश्यक भए पनि सबैका लागि पहुँचयोग्य नहुन सक्ने भएकाले त्यसै अनुसार मास्क वितरण गरिएको युनिराइड अटोका सञ्चालक निर्मल सिग्देलले बताए ।

आगामी दिनमा समेत यस प्रकारको अभियानका लागि संघ र टाफिक प्रहरीसँग सहकार्य गरिने सिग्देलले बताए । हाल विभिन्न स्थानमा अटोमोबाइल व्यवसायीहरुले अन्य संस्थाहरुसँगको सहकार्यमा स्वास्थ्य सामग्री वितरण गरिरहेका छन् ।