फुल बडी प्रोटेक्सनका साथ उपलब्ध इलेक्ट्रिक स्कुटर कोमाकी भेनिस, यस्ता छन् मुख्य विशेषता

भारतमा कोमाकी रेन्जर मोटरसाइकलका साथै भेनिस इलेक्ट्रिक स्कुटर समेत केही दिन पहिले सार्वजनिक गरिएको छ । यसले १२५ सीसीको आईसीई इन्जिन स्कुटरले जस्तै पर्फमेन्स दिने दाबी गरिएको छ ।

भेनिस इलेक्ट्रिक स्कुटर एउटा स्टाइलिस स्कुटर हो, जुन रेट्रो लुकमा उपलब्ध छ भने यसको गुड राइडेबिलिटी, पावर, पर्फमेन्स र कम्फर्टले धेरैलाई लोभ्याउने कम्पनीको भनाइ छ ।

कोमाकी भेनिस इलेक्ट्रिक स्कुटरमा भएका मुख्य विशेषता यस्ता छन् :

यो इलेक्ट्रिक स्कुटर विभिन्न ९ आकर्षक कलरमा उपलब्ध हुनेछ ।

यसमा ७२ भोल्ट र ४० एएचको ब्याट्री प्याक छ ।

यो सबै उमेर समूहलाई लक्ष्यित गरी डिजाइन गरिएको छ ।

यसले सिंगल चार्जमा ९० देखि १२० किलोमिटर सम्मको रेन्ज प्रदान गर्ने बताइएको छ भने लिथियम–आयोन ब्याट्री उपलब्ध छ ।

फुल चार्ज गर्दा यसले १ देखि १.५ युनिट मात्र विद्युत खपत गर्ने कम्पनीको भनाइ छ ।

यो इलेक्ट्रिक स्कुटरमा सेल्फ डायग्नोसिस सिस्टम, मोबाइल चार्जिङ प्वाइन्ट, रिभर्स असिस्ट, एडिसनल स्टोरेज बक्स र फुल बडी प्रोटेक्सन गियर रहेको छ ।

भारतीय बजारमा यो इलेक्ट्रिक स्कुटरको मूल्य १ लाख १५ हजार भारु तोकिएको छ । हाल नेपाली बजारमा यो आउने सम्भावना तत्काल छैन । तर आधिकारिक वितरकको रुपमा कुनै आयातकर्ता नियुक्त भएमा नेपाल आउन पनि सक्छ ।