नेपाली इलेक्ट्रिक मोटरसाइकल यात्री पी–१ सोल्ड आउट, अर्को बुकिङ फेरि खुल्ने

काठमाडौं – नेपाली युवाहरुको डिजाइनमा निर्माण भएको इलेक्ट्रिक मोटरसाइकल यात्री पी–१ सोल्ड आउट भएको छ । यात्री मोटरसाइकल्सको आधिकारिक फेसबुक पेजमार्फत यसको जानकारी दिइएको छ ।

पहिलो सिरिजको पी–१ सोल्ड आउट भएको र बुकिङ बन्द गरिएको बताइएको छ । सन् २०२२ को पहिलो त्रैमासिक अन्त्यमा यसको डेलिभरी प्रारम्भ गरिने र त्यसपछि बुकिङ खोले पश्चात दोस्रो त्रैमासिक मध्यमा डेलिभरी गरिने समेत बताइएको छ ।

अहिले डेलिभरी लिने ग्राहकले यात्री डीसी फास्ट चार्जिङमा लाइफ टाइम फ्रि चार्जिङ सुविधा पाउने छन् । कम्पनीले देशभर १५० चार्जिङ स्टेशन निर्माण गर्ने घोषणा गरिसकेको छ ।

पी–१ को मूल्य ४ लाख ९५ हजार रुपैयाँ तोकिएको छ । पी–१ ले १९ एचपी पावर र ४३० एनएम टर्क जेनेरेट गर्छ । यसले सिंगल चार्जमा ११० किलोमिटर माइलेज दिन्छ ।

यसमा ३ किलोवाट आवरको लिथियम आयोन ब्याट्री छ । यसको टप स्पिड १०० किलोमिटर प्रतिघण्टा छ । यसलाई फास्ट चार्जरबाट १ घण्टा र सामान्य चार्जरबाट ६ घण्टामा फुल चार्ज गर्न सकिन्छ ।