हार्ले डेभिड्सनको प्लान्टमा एलएमएलले इलेक्ट्रिक टु ह्विलर उत्पादन गर्ने

भारतको पुरानो मध्ये एक टु ह्विलर उत्पादक एलएमएल इलेक्ट्रिक टु ह्विलरसहित पुन बजार प्रवेश गर्ने भएको छ । बिगतमा इटालियन ब्रान्ड भेष्पासंग सहकार्य गरी स्कुटर उत्पादन गर्दै आएको यो कम्पनी भेष्पासंगको समझदारी टुगिंएपछि उत्पादन बिहिन बनेको थियो ।

यसअघि भारतमा हार्ले डेभिड्सन बाइक उत्पादन गर्दै आएको साएरासंग नयाँ इलेक्ट्रिक टु ह्विलर उत्पादन सुचारु गर्ने सम्झौता गरेसंगै यो ब्रान्ड पुन बजारमा आउन लागेको हो ।

साएरासंग मासिक १८ हजार युनिट टु ह्विलर उत्पादन गर्न सक्ने स्टेट–अफ–दि–आर्ट प्लान्ट रहेको छ । नयाँ उत्पादनको डिजाइन तथा इन्जिनियरिङका लागी एलएमएलले जापान र यूरोपस्थित बिभिन्न फर्मसंग कुराकानी समेत अघि बढाइसकेको जनाइएको छ ।

तत्कालका लागि साएरासंग सहकार्य गरेपनि सन् २०२५ सम्ममा उसले मेक इन इन्डिया अभियान अन्तर्गत आफ्ना सम्पूर्ण उत्पादनलाई स्थानिइकरण गरिसक्ने बताएको छ । इलेक्ट्रिक टु ह्विलरको माग बढ्दै गएको र नयाँ नयाँ स्टार्ट अप कम्पनीले उत्पादन थालिसकेका कारण यो सेग्मेन्टको बिस्तारति बजारमा ढिलो गर्न नहुने निचोडमा आफूहरु पुगेको कम्पनीका प्रबन्ध निर्देशक योगेश भाटियाले बताए ।