वागन आर बन्यो भारतमा सर्बाधिक बिक्री हुने कार, टप १० को सूचीमा टाटा नेक्सनको इन्ट्रि

सन् २०२१ मा भारतीय बजारमा सर्बधिक बिक्री हुने कारको पहिलो सूचिमा मारुती सुजुकी वागन आर पर्न सफल भएको छ । अघिल्लो बर्ष यो सूचीमा सुजुकी स्विफ्टले कब्जा जमाएको थियो । सन् २०२१ मा सर्बाधिक बिक्री हुने कारको दश उत्कृष्ट सूचीमा मारुती सुजुकीका ८ वटा कारले कब्जा जमाउँदा हुन्डाईको र टाटाको एक÷एक वटा कार सुचिकृत भएका छन् ।

यो बर्ष वागन आर १ लाख ८३ हजार ८ सय ५१ युनिट बिक्री भएको छ । जुन अघिल्लो बर्षको तुलनामा २४ प्रतिशतले बढी हो । दोस्रो स्थानमा झरेको स्विफ्टको बिक्री ९ प्रतिशतले बढेर १ लाख ७५ हजार युनिट पुगेको छ । गतबर्ष यो सूचीमा मारुती अल्टो परेको थियो ।

त्यसैगरी तेस्रो स्थनमा रहेको बोलेनो कुल १ लाख ७२ हजार बिक्री हुँदा चौथो स्थनमा झरेको अल्टो १ लाख ६६ हजार २ सय ३३ युनिट बिक्री भयो । बोलेनो अघिल्लो बर्षसमेत सूचीको तेस्रो स्थानमा रहेको थियो ।

अघिल्लो बर्ष छैठौ स्थनमा रहेको मारुती इर्टिगा प्लस एक्स६ ले एक स्थान सुधार गरेर पाँचौ स्थानमा उक्लिन सफल भएको छ । यो बर्ष इर्टिगको बिक्री ४८ प्रतिशतले बृद्धि भई १ लाख ५४ हजार ३ सय १० पुगेको छ ।

यो सूचीको छैठौ स्थानमा हुन्डाइको लोकप्रिय कम्प्याक्ट एसयुभी क्रेटा पर्न सफल भएको छ । अघिल्लो बर्ष ८ औं स्थानमा रहेको क्रेटाले २९ प्रतिशतको बिक्री बढाए २ स्थान सुधार गर्दै छैठौ स्थानमा पर्न सफल भएको हो । यो बर्ष क्रेटा कुल १ लाख २५ हजार ४ सय २३ युनिट बिक्री भएको छ ।

सातौ स्थानमा पर्न सफल मारुती डिजायरको बिक्रीमा भने ७ प्रतिशतले कमी आएको छ । जसका कारण अघिल्लो बर्ष पाँचौ स्थानमा रहेको डिजायर यो बर्ष २ स्थान तल झरेर सातौं स्थानमा पुगेको हो । यो बर्ष डिजायर कुल १ लाख १६ हजार २ सय २२ युनिट बक्रिी भएको छ ।

सुजुकी ब्रेजाले अघिल्लो बर्षको तुलामा ३ स्थान सुधार गर्दै सूचींको आठौं स्थानमा पर्न सफल भएको छ । यो बर्ष ब्रेजाको बिक्रीमा ३९ प्रतिशतले बृद्धि भई कुल १ लाख १६ हजार युनिट बिक्री भएको छ । अघिल्लो बर्ष ब्रेजा यो सूचीको ११ औं स्थानमा रहेको थियो ।

नवौं स्थानमा पर्न सफल मारुती इकोको बिक्रीमा समेत १५ प्रतिशतले सुधार आउँदा उसको कुल बिक्री १ लाख १४ हजार ५ सय पुगेको छ । अघिल्लो बर्ष इको सूचीको ७ स्थानमा रहेको थियो ।

टप १० को यो सूचीमा पहिलोपटक टाटा नेक्सन सामेल भएको छ । अघिल्लो बर्ष १८ औं स्थानमा रहेको नेक्सनले १२२ प्रतिशतको बिक्री बढाएर सूचीको १० औं स्थानमा रहन सफल भएको हो । यो बर्ष नेक्सन कुल १ लाख ८ हजार ५ सय युनिट बिक्री भएको छ ।