यात्री पी–१ सोल्ड आउट हुने चरणमा, अर्डरका लागि आग्रह

काठमाडौं – नेपालमै बनेको इलेक्ट्रिक मोटरसाइकल यात्री पी–१ को स्टक सकिन थालेको छ । नेपाली युवा इन्जिनियरहरुको समूहले निर्माण गरेको यो मोटरसाइकल अनलाइनमार्फत नै बुकिङ गर्न सकिने व्यवस्था छ ।

कम्पनीले हालै सामाजिक सञ्जालमार्फत पहिलो चरणको लट सकिने लागेको जानकारी दिदै अर्डरका लागि आग्रह गरेको छ ।

यात्री मोटरसाइकल्सले हालै सार्वजनिक गरेको पी–१ मोटरसाइकल १० हजार रुपैयाँमा बुकिङ गर्न सकिने बताएको छ । यो मोटरसाइकलको मूल्य ४ लाख ९५ हजार रुपैयाँ निर्धारण गरिएको छ ।

पी–१ ले १९ एचपी पावर र ४३० एनएम टर्क जेनेरेट गर्छ । यसले सिंगल चार्जमा ११० किलोमिटर माइलेज दिन्छ ।

यसमा ३ किलोवाट आवरको लिथियम आयोन ब्याट्री छ । यसको टप स्पिड १०० किलोमिटर प्रतिघण्टा छ । यसलाई फास्ट चार्जरबाट १ घण्टा र सामान्य चार्जरबाट ६ घण्टामा फुल चार्ज गर्न सकिन्छ ।