बढ्यो ट्याक्सी भाडा : माघ १ देखि चढ्ना साथ ६० रुपैयाँ तिर्नु पर्ने (सूचना सहित)

काठमाडौं बागमती प्रदेशमा स्वीकृत प्राप्त गरी सञ्चालनमा रहेका ट्याक्सीहरुमा आगामी माघ १ देखि नयाँ भाडा दर लागू हुने भएको छ । प्रदेश सरकारको पुस २० गतेको निर्णय अनुसार नयाँ भाडा दर लागू हुने भएको हो ।

परिमार्जित भाडादरअनुसार उपत्यकामा सञ्चालित ट्याक्सी सेवाको पहिलो एक किलोमिटरसम्मको यात्राको सुरू फ्ल्याग डाउन ६० रूपैयाँ कायम गरिएको यातायात मन्त्रालय बागमती प्रदेशले जनाएको छ।

सुरूको एक किलोमिटर यात्रापछि प्रति दुई सय मिटरको नौ रूपैयाँ ८० पैसाका दरले थप हुने गरी कायम गरिएको हो।

ट्याक्सी प्रयोग गर्ने सेवाग्राहीलाई सवारी साधनको नम्बर, चालकको सम्पर्क नम्बरसहितको विवरण भएको नेपाली तथा अंग्रेजी भाषामा लेखिएको भिजिटिङ कार्ड उपलब्ध गराउनुपर्ने छ।