सीईएस २०२२ मा रङ परिवर्तन गर्न सक्ने बीएमडब्ल्यु कार र सोनीको ७ सिटर इलेक्ट्रिक कार

अमेरिकाको लस भेगासमा सबैभन्दा ठूलो कन्ज्युमर इलेक्ट्रोनिक्स शो (सीईएस २०२२) सुरु भएको छ । उक्त शोमा विभिन्न नयाँ टेक्नोलोजीहरू प्रस्तुत गरिएको छ । यसमा विभिन्न कम्पनीहरुले ल्याएका नयाँ प्रविधिहरु छन्, जसमा अटोमोबाइल समेत संलग्न छन् ।

बीएमडब्ल्युको रङ परिवर्तन गर्न सक्ने कार
बीएमडब्ल्युले आईएक्स मोडलको इलेक्ट्रिक कारमा रङ परिवर्तन गर्ने फिचर ल्याएको छ । जर्मन कार कम्पनीले शोमा आफ्नो कारमा यस्तो प्रविधि ल्याएको बताएको छ, जसमा १ बटनको मद्दतले यसको एक्सटेरियरको रङ परिवर्तन गर्न सकिन्छ । कम्पनीले कारका अन्य फिचरहरूको विवरण भने खुलाएको छैन ।

सोनीको इलेक्ट्रिक कार
उक्त शोमा सोनीले ७ सिटर एसयूभी भिजन एस–०२ को प्रोटोटाइप ल्याएको छ । सन् २०२० को शोमा देखाइएको इलेक्ट्रिक कार पनि यो कारसँग मिल्दोजुल्दो रहेको बताइएको छ । यसलाई ५ सिटरको सट्टा ७ सिटरमा परिवर्तन गरिएको छ ।