मर्सिडिज बेन्जले ल्याउने भयो सिंगल चार्जमा १ हजार किमी चल्ने इलेक्ट्रिक कार

जर्मन कार निर्माता कम्पनी मर्सिडिज बेन्जले लस भेगासमा जारी कन्जुमर इलेक्टोनिक्स शो (सीईएस) २०२२ मा भिजन ईक्युएक्सएक्स इलेक्ट्रिक कार कन्सेप्ट सार्वजनिक गरेको छ । यसको उत्पादन पनि चाँडै नै गर्ने बताएको छ ।

यो मर्सिडिज बेन्जको हाल सम्मकै सबैभन्दा धेरै रेन्ज दिने इलेक्ट्रिक कार हुनेछ, जुन सिंगल चार्जमा १ हजार किलोमिटर चल्ने छ । सो कार एरोडाइनामिक डिजाइनका साथ आउने छ ।

यसले प्रति एक सय किलोमिटर दुरी पार गर्नका लागि केवल १० किलोवाट आवर भन्दा पनि कम पावर प्रयोग गर्नेछ । कारमा प्रयोग गरिएको ब्याटीको ९५ प्रतिशत उर्जा रेन्जकै लागि प्रयोग हुनेछ ।

हाल सम्म मर्सिडिज बेन्जको सबैभन्दा धेरै रेन्ज दिने कार ईक्युएक्स थियो, जसले सिंगल चार्जमा ७७० किलोमिटर रेन्ज दिन्थ्यो । अब त्यो भन्दा धेरै रेन्जको कार आउने भएको छ ।