रेनो नेपालको स्पार्कलिङ न्यु इयर २०२२ अफर, ३ लाख सम्मको फाइदा

काठमाडौं – नेपालका लागि रेनो कारको आधिकारिक वितरक एड्भान्स्ड अटोमोबाइल्सले अंग्रेजी नयाँ वर्ष २०२२ को अवसरमा ‘स्पार्कलिङ न्यु इयर २०२२ अफर’ ल्याएको छ । यस अफर अन्तर्गत रेनोका विभिन्न मोडलका कार किन्दा समग्रमा ३ लाख रुपैयाँ सम्मको छुट प्राप्त गर्न सकिने कम्पनीको भनाइ छ ।

नयाँ कार किन्ने ग्राहकका लागि सहज फाइनान्सको व्यवस्था भएको कम्पनीको भनाइ छ । कुनै पनि ब्रान्डको पुरानो कारसँग रेनो कार साट्नका लागि स्पट एक्सचेन्ज र भ्यालुएसनको व्यवस्था गरिएको छ ।

नयाँ कार किने पछि एक वर्ष सम्मको सडक दस्तुर कम्पनी आफैले तिरिदिने व्यवस्था छ । दुई वर्ष सम्म निःशुल्क सर्भिसिङ सुविधा उपयोग गर्न सकिने र एक्सटेन्डेड वारेन्टीको रुपमा पाँच वर्ष सम्म सुविधा लिन सकिने छ ।

नेपाली बजारमा रेनोका क्विड, डस्टर, ट्राइबर र काइगर उपलब्ध छन् । यी विभिन्न मोडलका कारको मूल्य २६ लाख ७९ हजार देखि ४२ लाख ९९ हजार रुपैयाँ तोकिएको छ । सबैभन्दा कम मूल्यको मोडल क्विड १.० आरएक्सटी–ओ हो भने सबैभन्दा महंगो मोडल काइगर १.० टर्बो आरएक्सजेड डीटी हो ।