इन्फोटेनमेन्ट सिस्टम सहितको टोयोटा हाइलक्स जनवरीमै लन्च हुँदै

टोयोटाले आफ्नो नयाँ पिकअप ट्रक हाइलक्स जनवरी २०२२ मा लन्च गर्न लागेको छ । मिडिया रिपोर्टका अनुसार भारतमा टोयोटा हाइलक्सको बुकिङ पनि सुरु भएको छ । टोयोटा हाइलक्स पिकअपले इसुजु डी–म्याक्ससँग प्रतिस्पर्धा गर्ने अपेक्षा गरिएको छ ।

फच्र्युनरमा जस्तै इन्जिन समावेश गर्ने
टोयोटा हाइलक्समा इनोभा क्रिस्टा र फच्र्युनरमा प्रयोग भएको प्लेटफर्म र इन्जिन समावेश गरिने छ । यसमा फच्र्युनरमा जस्तै २.८ लिटर डिजेल इन्जिन समावेश गर्नेछ, जसले २०४ पीएस र ५०० एनएम टर्क जेनेरेट गर्छ । यो ४ ह्वील ड्राइभको साथ आउनेछ । यसको लम्बाई ५२८५ एमएम र ह्वीलबेस ३०८५ एमएम हुनेछ । फच्र्युनरको लम्बाई ४७९५ एमएम रहेको छ ।

इन्फोटेनमेन्ट सिस्टम उपलब्ध हुने
टोयोटा हाइलक्समा फच्र्युनरको तुलनामा ठुलो हेक्सागोनल ग्रिल, युनिक स्वेप्ट–ब्याक एलईडी हेडल्याम्प र रफ एन्ड टफ बम्पर हुनेछ । रियर प्रोफाइल हाल उपलब्ध पिकअप ट्रकको जस्तो देखिन्छ । यसको इन्टेरियरमा फच्र्युनर जस्तो लक्जरी ड्यासबोर्ड डिजाइन, स्टेयरिङ ह्वील, एन्ड्रोइड अटो र एप्पल कारप्ले सपोर्ट गर्ने ८.० इन्च टचस्क्रिन इन्फोटेनमेन्ट हुने अपेक्षा गरिएको छ । यसलाई भारतमा डबल क्याब बडी स्टाइलमा बिक्री गरिने छ ।

मूल्य ३० लाख भारु सम्म हुन सक्छ
कम्पनीले टोयोटा हाइलक्सको मूल्य खुलाएको छैन । यसको मूल्य इसुजु डी–म्याक्सको आसपास हुने सम्भावना छ । हाल, भारतमा इसुजु डी–म्याक्सको मूल्य १८ लाख ५ हजार देखि २५ लाख देखि ६० हजार भारु रहेको छ । केही रिपोर्टका अनुसार यसको मूल्य लगभग ३० लाख भारु हुने अनुमान गरिएको छ ।

नेपालमा सम्भावना
नेपाली बजारमा टोयोटा हाइलक्स निकै नै लोकप्रिय सवारी साधन हो । अपग्रेड भएर आए पछि यसको माग अझै बढ्न सक्छ । नेपालका लागि टोयोटाको आधिकारिक वितरक युनाइटेड ट्रेडर्स सिन्डिकेटले यो पिकअप नेपाली बजारमा पनि उपलब्ध गराउन सक्छ ।