२ बर्षपछि फेरी भित्रियो सेल्टोसको एचटिके भेरिएन्ट, मूल्य ४८ लाख ९० हजार

किया सेल्टोसको एचटिके भेरियन्ट २ बर्षपछि पुन नेपाली बजारमा भित्रिएको छ । नेपालका लागि आधिकारिक बितरक कन्टिनेन्टल एसोसिएटले २०१९ मा केही थान भित्राएर कारोबार शुरु गरेको यो भेरिएन्ट त्यसपछि नेपाल आउन रोकिएको थियो । हाल भित्रिएको यो भेरिएन्ट २०२१ मोडल हो ।

जसको मुल्य २ बर्षअघि नै निर्धारण गरिएको ४८ लाख ९० हजार रुपैयाँलाई यथावत गरिएको छ । स्पेकका आधारमा यो सेल्टोसको बेस भेरियन्ट एचटीई भन्दा एक स्टेप माथीको एसयुभी हो ।एचटिईलाई भने कम्पनीले हालसम्म नेपाल ल्याएको छैन ।

नेपाली बजारमा यसअघि ५३ लाख ४० हजार मूल्य निर्धारण गरिएको एचटिके प्लस एसयुभी सहित अन्य ७ वटा भेरियन्टमा यो एसयुभी उपलब्ध रहँदै आएको थियो । यसको टप भेरियन्ट जिटिएक्स प्लसको मूल्य ७६ लाख ९० हजार रुपैयाँ निर्धारण गरिएको छ ।

यसअघि उपलब्ध सबैभन्दा सस्तो भेरियन्टको तुलानामा ४ लाख ५० हजार रुपैयाँले सस्तो यो एसयुभी हाल देशका सबै किया सोरुममा उपलब्ध रहेको कम्पनी स्रोतले बताएको छ । उक्त स्रोतका अनुसार हाल बजारमा सेल्टोसको केही भेरियन्टले अभाबको समस्या झेल्दै आइरहेपनि यो भेरियन्ट भने ग्राहकले चाहेकै समयमा हात पार्न सक्नेछन् ।

१५ सय सिसी क्षमताको पेट्रोल इन्जिन जडान गरिएको यो एसयुभीको अधिकतम पावर ११५ पिएस र टर्क १४४ एनएम रहेको छ । बेस भेरियन्ट भएका कारण मिड स्पेक र हाई स्पेक भेरियन्टको तुलनामा यसको इन्फोटेन्मेन्ट लगायत अन्य फिचर्समा भने केही कटौती गरिएको छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...