वार्षिक ४ सय युनिट बिक्री हुने हुन्डाईको एस्काभेटर आर२२०एलएस स्मार्ट प्लस

नेपाली बजारमा धेरै बिक्री हुने एस्काभेटर मध्ये हुन्डाईको एस्काभेटर आर२२०एलएस स्मार्ट प्लस एक हो । हुन्डाई कन्स्ट्रक्सन इक्विपमेन्ट इन्डियाद्वारा उत्पादन गरिएकोे कन्स्ट्रक्सन इक्विपमेन्ट यो रेन्जमा सबैभन्दा कम इन्धन खपत गर्ने इक्विपमेन्ट भएको कम्पनीको दाबी छ ।

२२ टन क्षमताको यो एस्काभेटरले प्रतिघण्टा १५ लिटर मात्र इन्धन खपत गर्ने नेपालमा हुन्डाई कन्स्ट्रक्सन इक्विपमेन्टको आधिकारिक वितरक कन्स्ट्रक्सन सोलुसन्स प्रालिका डेपुटी म्यानेजर कृष्णराज पौडेलले बताए ।

ड्युरेबल तथा हाइड्रोलिक सिस्टममा सबैभन्दा बढी फ्लो भएको यो मेसिन महंगो मेसिन जस्तै स्ट्यान्डर्ड भए पनि मूल्य भने कम भएको बताइएको छ । यसको मूल्य ९९ लाख रुपैयाँ तोकिएको छ । यद्यपि यसमा विभिन्न प्रकारको छुट समेत उपलब्ध हुन सक्ने कम्पनीको भनाइ छ ।

वर्षमा करिव ४ सय युनिट यो एस्काभेटर बिक्री हुने गरेको र हाल नेपालका विभिन्न क्षेत्रमा २ हजार ३ सय भन्दा बढी मेसिन कार्यरत रहेको पौडेलले बताए ।

विशेष गरी सडकको नयाँ ट्रयाक खोल्न र माइनिङमा यसको बढी प्रयोग हुन्छ । नेपालका धेरै सिमेन्ट कारखानामा यसको प्रयोग भएको छ ।

कुनै अवस्थामा मेसिन बिग्रिएमा सम्बन्धित स्थानमै पुगेर कम्पनीको दक्ष मेकानिक्सहरुबाट मर्मत गरिन्छ । सबै मर्मत कार्य साइटमै हुने र विशेष अवस्थामा मात्र कम्पनीको सर्भिस सेन्टरमा ल्याउनु पर्ने हुन्छ ।

वारेन्टी अवधिमा निःशुल्क लेवर चार्ज हुन्छ । १ वर्ष अथवा २ हजार घण्टा यसको फुल वारेन्टी हुन्छ भने थप १ वर्ष अथवा ३ हजार घण्टा सम्म इन्जिनको एक्सटेन्डेड वारेन्टी हुन्छ ।

यो मेसिनमा इनलाइन पम्पको प्रयोग गरिएको छ । यसको मर्मत पनि कम मात्र गर्नुपर्छ । कुनै स्थानमा खन्दा वा केही कार्य गर्दा लगाउनु पर्ने पावर आफै निश्चित गरी त्यही अनुसारको पावर लगाउछ । अपरेटरले म्यानुअल रुपमा चलाउनु पर्दैन । त्यसैले नै यसलाई स्मार्ट प्लस नाम राखिएको हो । त्यसैगरी रक बकेट प्रयोग गरिएको छ । यसैकारण नै नयाँ ट्रयाक खन्न र माइनिङमा उपयोगी छ ।