महिन्द्राको स्पेयर पार्टस आउटलेट अब भोजपुरमा पनि

महिन्द्रा फोर व्हीलरको नेपालका लागि एक मात्र अधिकृत बिक्रेता अग्नी समूहको सहायक कम्पनी बालाजु अटो वक्र्सले हालसालै आफ्नो डिलर मनराम मोटर्स तुम्लिङ्गटारको आउटलेट उद्घाटन सम्पन्न गरेको छ ।

यही मंसिर २७ गते सोमबारका दिन भएको सो आउटलेटको उद्घाटन सोही क्षेत्रकी उप–मेयर ममिता राई, भोजपुर जिल्लाका डिएसपी दिपक राज बराल, मनराम मोटर्स तुम्लिङ्गटारका निर्देशक देवेन्द्र घिमिरे र अग्नी समूहका प्रदेश म्यानेजरहरुले सामूहिक रुपमा गरेका हुन् ।

स्पेयर पार्टसको सहज बिक्री वितरण गर्ने उद्देश्यले सुरुवात भएको यस आउटलेटबाट सेल्स पनि गर्ने कार्य पहिलो दिनबाटै सुचारु भएको बताइएको छ । सोही क्रममा ट्रयाक्टर र बोलेरो एकएक युनिट पनि डेलिभरी गरिएको थियो ।

नेटवर्क विस्तार गर्दै तथा धेरैभन्दा धेरै ग्राहकहरुमाझ आफ्नो सेवाको पहुँच बढाउँदै अग्नी ग्रुपले आगामी दिनहरुमा सर्भिस, स्पेयर र सेल्सका विविध आउटलेटहरु देशका अन्य स्थानमा समेत बिस्तार गर्दै जाने जनाइएको छ ।