जनवरी २०२२ मा नयाँ स्कोडा कोडियाक लन्च हुने

स्कोडाले आगामी जनवरी २०२२ मा अपडेटेड कोडियाक ७ सिटर एसयूभी लन्च गर्ने तयारी गरेको छ । यसको जानकारी स्कोडा इन्डियाका निर्देशक ज्याक होलिसले दिएका छन् । नयाँ कोडियाकमा नयाँ टेक्नोलोजी र अपडेट स्टाइल समावेश गरिएको छ ।

लुक र डिजाइन
सो एसयूभीमा कैयौ कस्मेटिक परिवर्तन गरिएको छ । नयाँ कोडियाक फेसलिफ्टमा नयाँ डिजाइन गरिएको फ्रन्ट ग्रिल, अपडेटेड एलईडी म्याट्रिक्स हेडल्याम्प, नयाँ फ्रन्ट र रियर बम्पर तथा पहिलाको भन्दा आकर्षक बोनट समावेश गरिएको छ । साथै नयाँ डिजाइन गरिएको अलोय ह्वील र टेलल्याम्प छ । जबकी इन्टेरियर डिजाइनमा खासै परिवर्तन गरिएको छैन ।

फिचर
एसयूभीमा इलेक्ट्रिकल एडजस्टेबल लेदर एर्गोनोमिक्सका साथै नयाँ डिजाइनको सिट उपलब्ध छ । नयाँ २०२२ स्कोडा कोडियाकमा १०.२५ इन्चको भर्चुअल ककपिट डिजिटल इन्स्ट्रयुमेन्ट क्लस्टर, १० स्पिकर क्यान्टन साउन्ड सिस्टम, अटोमेटिक क्लाइमेट कन्ट्रोल र एम्बियन्ट लाइटिङ उपलब्ध छ । टचस्क्रिन इन्फोटेनमेन्ट सिस्टम ९.२ इन्चमा उपलब्ध छ ।

इन्जिन र पावर
नयाँ स्कोडा कोडियाकमा नयाँ २.० लिटर टर्बाे पेट्रोल इन्जिन समावेश गरिएको छ । जसले १९० पीएसको पावर र ३२० एनएमको टर्क जेनेरेट गर्छ । सो इन्जिन ७ स्पिड डुअल क्लच अटोमेटिक गियरबक्स छ र अल ह्वील ड्राइभ सिस्टममा उपलब्ध छ । सो एसयूभीमा डिजेल इन्जिनको विकल्प छैन ।