सुजुकीले सार्वजनिक ग-यो नयाँ कटाना बाइक, यस्तो छ फिचर

इटालीको मिलानमा आयोजित ७८औँ अन्तर्राष्ट्रिय मोटरसाइकल तथा एसेसरिज प्रदर्शनीको अवसरमा सुजुकीले नयाँ २०२२ कटाना बाइक सार्वजनिक गरेको छ । नयाँ कटाना नयाँ रङमा पेश गरिएको छ । साथै यसको इन्जिन र टेक्नोलोजी नयाँ अपडेट गरिएको छ ।

इन्जिन र पावर
बाइकमा युरो ६ मापदण्डको ४ सिलिन्डर ९९८ सीसी इनलाइन इन्जिन जडान गरिएको छ । इन्जिनको अधिकतम आउटपुट सुधार गर्न यसलाई नयाँ क्यामसाफ्ट प्रोफाइल, नयाँ भल्भ स्प्रिङ्स, नयाँ क्लच, नयाँ एक्जस्ट सिस्टमको साथ अपडेट गरिएको छ । सो इन्जिनले अधिकतम १५२ एचपी पावर जेनेरेट गर्छ ।

तीन राइडिङ मोड
बाइकमा सुजुकी राइडिङ मोड सेलेक्टर सिस्टम रहेको छ, जुन तीन इन्जिन म्यापसँग सुसज्जित छ । तीन वटै मोडले समान पावर जेनेरेट गर्छ । मोड एले सब भन्दा छिटो र स्पोर्टी प्रतिक्रिया प्रदान गर्छ । मोड बीले सब भन्दा सहज सुरुआती पावर डेलिभरी प्रदान गर्छ र मोड सीले सजिलो रेस्पोन्स प्रदान गर्छ ।

नयाँ सुजुकी क्लच असिस्ट सिस्टम
नयाँ २०२२ कटाना बाइकमा नयाँ सुजुकी क्लच असिस्ट सिस्टम रहेको छ । जसमा स्लिपर क्लच छ जसले उच्च आरपीएमबाट डाउनसिफ्ट गर्दा इन्जिन ब्रेकिङको प्रभावलाई कम गर्छ । बाइकमा अतिरिक्त कन्ट्रोल र राम्रो प्रदर्शन गर्छ ।

सस्पेन्सन र ब्रेकिङ
नयाँ कटानामा हल्का डबल बीम आल्मुनियम फ्रेम र स्विङआर्म समावेश गरिएको छ । यसको प्रयोग जीएसएक्स–आरमा पनि गरिएको छ । बाइकमा फुल एड्जस्टेबल केवाईबी फ्रन्ट फोर्क र एड्जस्टेबल डम्पिङ शार्क उपलब्ध रहेको छ । बाइकमा ३१० एमएम फ्रन्ट डिस्कको लागि ब्रेम्बो मोनोब्लक क्यालिपर पनि उपलब्ध रहेको छ

रङको विकल्प
२०२२ कटाना पनि क्रिस्प, एंगुलर बडीवर्कको साथ नयाँ रंगमा उपलब्ध छ । यसको गाढा म्याट निलो रंगमा फिनिसिङ गरिएको छ । यो गोल्ड फक्र्स र ह्वीलको साथमा उपलब्ध छ । जबकि रातो ह्वीलको साथमा सोलिड आइरन ग्रेको विकल्प रहेको छ ।