अपडेट फिचरसहित आए नयाँ स्कुटर अप्रिलिया एसआर १२५ र एसआर १६०

नयाँ अपडेटसहित २०२२ एसआर १२५ र एसआर १६० स्कुटर भारतमा लन्च गरिएको छ । जसको क्रमशः मूल्य १ लाख ८ हजार र १ लाख १७ हजार भारु एक्स शोरूम मूल्य तोकिएको छ । पुराना मोडलको तुलनामा नयाँ मोडल करिब १२ हजारदेखि १३ हजार भारु महँगो भएको छ । एसआर १६० को प्रतिस्पर्धा हालै लन्च गरिएको यामाहा एरोक्स १५५ सँग हुनेछ ।

एसआर १२५ र एसआर १६० को डिजाइन र स्टाइल आरएसभी४ सुपरबाइकबाट प्रेरित छ । स्कुटरको ’रेस’ ट्रिममा आरएस–जीपीबाट प्रेरित बडी ग्राफिक्स र ह्यान्ड गार्ड रहेको छ । दुबै मोडलमा नयाँ भी आकारको एलईडी हेडल्याम्प र एलईडी टेलल्याम्प देख्न सकिन्छ । ग्र्याब रेल र एप्रोन पनि परिवर्तन गरिएको छ । साथै सिट स्प्लिट डिजाइनको साथमा पेश गरिएको छ । स्कुटरमा किक गार्ड पनि राखिएको छ ।

अपडेटेड अप्रिलिया एसआर ५ रङ निलो, म्याट ब्लु, ग्रे, सेतो र रातो रङमा उपलब्ध छ । दुबै मोडलमा १४ इन्चको अलोय ह्वील र ६ लिटरको फ्युल ट्यांक छ । अन्डर सिट स्टोरेज ११ लिटरको छ । २०२२ अप्रिलिया एसआर १२५ एन्टि–लक ब्रेकिङ सिस्टम र एसआर १६० सीबीएसमा सुसज्जित छ । स्कुटर फुल डिजिटल इन्स्ट्रयुमेन्ट क्लस्टरको साथमा उपलब्ध छ, जसमा ट्याकोमिटरसँगै गति, यात्रा र इन्धन खपत बारेमा जानकारी दिन्छ ।

२०२२ अप्रिलिया एसआर१६० मा जस्तै १६० सीसी, ३ भल्भ इन्जिन जडान गरिएको छ । सो इन्जिनले ७६०० आरपीएममा १०.९ बीएचपीको पावर र ६००० आरपीएममा ११.६ एनएमको टर्क जेनेरेट गर्छ । नयाँ एसआर १२५ मा पनि पहिले जस्तै १२५ सीसी इन्जिन जडान गरिएको छ । सो इन्जिनले ९.८ बीएचपी पावर र ९.७ एनएम टर्क जेनेरेट गर्छ ।