भोलि लन्च हुँदै हुन्डाई क्रेटा २०२२, लिक भयो फोटो

हुन्डाईले क्रेटाको फेसलिफ्ट इन्डोनेसियाली कार बजारमा सार्वजनिक गर्ने तयारी गरिरहेको छ । नोभेम्बर ११ मा हुने गाइकिन्डो इन्डोनेसिया इन्टरनेसनल अटो शोमा सो कारले ग्लोबल डेब्यू गर्ने भएको छ । तर, कारका केही फोटोहरू इन्टरनेटमा लिक भएको छ । नयाँ तस्विरमा एसयूभीको सबै विवरणहरूको खुलासा गरिएको छ ।

सो फोटोमा कारको धेरै महत्वपूर्ण अपडेट गरिएको देखाइएको छ । नयाँ फेसलिफ्ट क्रेटामा पनि आकर्षक लुक र शक्तिशाली फिचर समावेश गरिएको छ ।

लिक भएको फोटो अनुसार इन्डोनेसियाली स्पेक क्रेटाको मिड साइकल रिफ्रेशमा नयाँ फ्रन्ट लुक डिजाइन गरिएको छ, जुन टुसानबाट प्रेरित भएको देखिन्छ । कारमा हुन्डाईको नयाँ प्यारामेट्रिक ग्रिल डिजाइन देख्न सकिन्छ ।

कारको हेडलाइट आयताकारको छ र अलि तल राखिएको छ । एसयूभीको रियर लुक पनि परिवर्तन गरिएको छ । नयाँ मोडलमा शार्प देखिने टेललाइट र रूसी बजारको लागि अपडेट गरिएको क्रेटाको जस्तै रिप्रोफाइल बुट लिड समावेश गरिएको छ ।

हुन्डाई क्रेटा फेसलिफ्ट २०२२ मा १०.२५ इन्च डिजिटल इन्स्ट्रयुमेन्ट क्लस्टर, प्रिमियम ८ स्पिकर बोस साउन्ड सिस्टम, एन्ड्रोइड अटो र एप्पल कारप्ले सपोर्ट भएको ८ इन्च टचस्क्रिन इन्फोटेनमेन्ट सिस्टम, प्यानोरामिक सनरुफ, भेन्टिलेटेड फ्रन्ट सिट, कुल्ड ग्लोभ बक्स, एम्बियन्ट लाइटिङ र एयर प्युरिफायर जस्ता फिचर समावेश छ ।

नयाँ क्रेटामा नयाँ एडभान्स ड्राइभर असिस्ट सिस्टम समावेश गरिएको छ । साथै एसयूभीको टप ट्रिममा लेन किप असिस्ट, एडेप्टिभ क्रुज कन्ट्रोल र अटोनोमस इमर्जेन्सी ब्रेकिङ जस्ता सेफ्टी फिचर समावेश गरिएको छ ।

कारमा अपडेटेड ब्लुलिंक जडान गरिएको कार टेक्नोलोजी पनि समावेश गरिने छ, जसमा चोरी भएको सवारी साधन ट्रयाकिङ, चोरी भएको सवारी साधन स्थिरता र भ्यालेट पार्किङ मोड जस्ता नयाँ सेफ्टी फिचर पनि समावेश गरिएको छ ।

नयाँ क्रेटामा १.५–लिटर इन्जिन समावेश गरिएको छ । जसले ११५ पीएसको पावर र १४४ एनएम टर्क जेनेरेट गर्छ ।

इन्डोनेसियामा नयाँ क्रेटालाई प्राइम, स्टाइल र एक्टिभ गरी तीन भेरिएन्टमा लन्च गरिने छ । कारको टप भेरिएन्टमा ६ वटा एयरब्याग, लेन किपिङ असिस्ट, ब्लाइन्ड स्पट कोलिजन असिस्ट, रियर क्रस ट्राफिक असिस्ट, भेइकल स्ट्याबिलिटी कन्ट्रोल र रियर भ्यु मोनिटर हुनेछ ।