नयाँ इन्स्ट्रयुमेन्ट क्लस्टर र थप दुई कलरसहित नेपाली बजारमा आयो हार्टफोर्ड भीआर १५०एच

काठमाडौं – नेपाली बजारमा थप दुई कलरमा हार्टफोर्ड भीआर १५०एच भित्रिएको छ । नेपालका लागि आधिकारिक वितरक इग्निसन अटोले पहिले कालो कलरमा मात्र यो मोटरसाइकल उपलब्ध गराइरहेकोमा अब भने सेतो कालो र रातो सेतो गरी थप दुई कलरमा समेत उपलब्ध भएको छ ।

हार्टफोर्ड भीआर १५० एचको मूल्य ४ लाख ९० हजार रुपैयाँ तोकिएको छ । तर आगामी छठ सम्मका लागि कम्पनीले ४ लाख ६५ हजार रुपैयाँमा यो मोटरसाइकल उपलब्ध गराइरहेको छ । यसबाट ग्राहकले एकै पटक २५ हजार रुपैयाँ फाइदा पाउन सक्ने छन् ।

यो मोटरसाइकलको इन्स्ट्रयुमेन्ट क्लस्टर समेत पहिले भन्दा फरक छ । आरपीएम मिटर र अन्य विभिन्न फिचर सहितको आयताकार इन्स्ट्रयुमेन्ट क्लस्टरले यसमा आकर्षण थपेको छ ।

हार्टफोर्ड भीआर १५०एचमा १४९ सीसीको इन्जिन छ, जसमा ५ स्पिड गियरबक्स उपलब्ध छ । यसको लम्बाई, चौडाई र उचाई क्रमशः २१९० एमएम, ८८० एमएम र १२४० एमएम छ । त्यसैगरी ह्विलबेस १३७५ एमएम छ । १२३ किलोग्राम तौल भएको सो बाइकको अघिल्लो भागमा डबल पेरिस्कोप र पछिल्लो भागमा मोनोसक सस्पेन्सन छ । त्यसैगरी दुवै पांग्रामा डिस्क ब्रेक छ ।

यो बाइकमा क्लासिक र पावरफुल हेडलाइट उपलब्ध छ । ठूलो र फराकिलो टायर छ । त्यसैगरी डिजिटल मिटर र अपसाइड डाउन फोर्क छ ।