फोटोन मोटर्सको अब देशभर सर्भिस नेटवर्क, एक घण्टा भित्रै सेवा पाइने

काठमाडौं – नेपालका लागि फोटोन मोटर्सको आधिकारिक वितरक एमएडब्लु वृद्धि कमर्सियल भेइकल्स प्रालिले आफ्नो सर्भिस नेटवर्क देशभरि विस्तार गरेको जनाएको छ ।

कम्पनीका सर्भिस हेड विदेश मान सिंह डंगोल भन्छन्, ‘देशका अधिकांश स्थानबाट ग्राहकले अव सेवा लिन पाउनु हुनेछ । अब देशका २५ भन्दा बढी वर्कसपबाट ग्राहकले एक घण्टा भित्र सेवा पाउनु हुनेछ ।’ उनका अनुसार एमएडब्लु वृद्धि कमर्सियल भेइकल्स प्रालि ग्राहकसँग निरन्तर सम्बन्ध राम्रो बनाइराख्न चाहन्छ र आगामी वर्ष समेत कम्पनी आक्रामक रुपमा सर्भिस नेटवर्क विस्तार गर्ने योजनामा रहेको छ ।

ग्राहकले सर्भिस सम्बन्धी जानकारी ९८०२०५७७२१ र ९८६०२४३६१६ मा कल गरेर लिन सकिने छ ।

हाल एमएडब्लु वृद्धि कमर्सियल भेइकल्स प्रालिले नेपाली बजारमा पिकअप टुनल्यान्ड ई, पिकअप टुनल्यान्ड एस, १९ सिट क्षमताको भ्यान भ्यु सीएस२एल र १६ सिट क्षमताको भ्यान भ्यु सीएस२ तथा विभिन्न प्रकारका एम्बुलेन्स बिक्री–वितरण गरिरहेको छ ।