डीएफएसके दशैं अफरः थोरै डाउन पेमेन्ट, नगद छुट देखि इलेक्ट्रिक स्कुटरसम्म उपहार

काठमाडौं – डीएफएसकेको नेपालका लागि आधिकारिक वितरक कुजु नेपाल प्रालिले दशैं तिहार लगायतका चाडपर्वलाई मध्यनजर गर्दै ग्राहकमैत्री स्किम सार्वजनिक गरेको छ ।

कुजु नेपालले सधै आफ्ना ग्राहकलाई उत्कृष्ट प्रडक्ट र आकर्षक अफर दिन लागि परेको र यही शिलशिलामा नजिकिदै गरेको दशैं, तिहार, नेपालसम्बत र छठ पर्वको अवसर पारेर आफ्नो ग्लोरी आई अटो एसयूभीमा विशेष स्किम सार्वजनिक गरेको बताएको छ ।

उत्कृष्ट एआई टेक्नोलोजी प्रयोग भएको डीएफएसके ग्लोरी आई अटो किन्न चाहने ग्राहकले मात्र १५ लाख रुपैयाँ डाउन पेमेन्ट बुझाएर गाडी चढ्न सक्ने छन् । साथै, कम्पनीले ३ लाख ५० हजारसम्म नगद छुट, ५० हजार एक्सचेन्ज बोनस, एक आर्थिक वर्षको वार्षिक कर छुट समेत दिनेछ ।

नगद छुट लिन नचाहने ग्राहकले इलेक्ट्रिक स्कुटर लिन चाहेमा याडिया ब्राण्डको प्रिमियम इलेक्ट्रिक स्कुटर सि१एस वा जि५ वा इलेक्ट्रिक माउन्टेन बाइक मध्ये एउटा छनोट गर्न सक्ने छन् । उक्त स्कुटरको मूल्य ३ लाख ५० हजार रुपैयाँ रहेको छ ।

डीएफएसके ग्लोरी ५६० किन्न चाहने ग्राहकले भने १० लाख रुपैयाँ मात्र डाउन पेमेन्ट गर्दा पनि गाडी लिन सक्ने छन् । कम्पनीले ग्लोरी ५६० मा २ लाख ५० हजार नगद छुट दिनेछ । नगद छुटको सट्टा याडियाको स्कुटर वा माउन्टेन बाइक लिन सक्ने छन् । यो स्कुटर र माउन्टेन बाइकको मूल्य २ लाख ५० हजार बराबर हुनेछ ।

ग्लोरी ५६० मा कम्पनीले ५० हजार एक्सचेन्ज बोनस, एक वर्षको वार्षिक कर जस्ता छुट प्रदान गर्नेछ । इन्डोनेशियामा उत्पादन भएका ग्लोरी सिरिजका एसयूभी नेपाली ग्राहकले निकै मनपराउँदै आएको मोडल हो ।