महिन्द्राका पुराना सर्टिफाइड गाडी किन्न पाइने, एकै पटक खुल्यो चार शोरुम

काठमाडौं – अग्नि ग्रुपको सहायक कम्पनी अग्नि आस्था प्रालिले हालै नेपालमा प्रमाणिकरणयुक्त प्रयोग गरिएका महिन्द्रा सवारीसाधनहरूका बिक्री, सेवा र स्पेयर पार्ट्स सेटअपसहितको पहिलो आधिकारिक (सर्टिफाइड) शोरूम सञ्चालमा ल्याएको घोषणा गरेको छ ।

कम्पनीले चार फरक स्थान काठमाडौं, इटहरी, भरतपुर र भैरहवामा एकै साथ शोरुम उद्घाटन गरेको छ र कम्पनीले चाँडै नै पोखरा तथा देशका अन्य स्थानहरूमा आफ्नो शाखा विस्तार गर्ने योजना बनाएको बताएको छ ।

नेपाली बजारको इतिहासमा बिक्री, सेवा र स्पेयर पार्ट्स सुविधाको अवधारणासहित प्रमाणिकरणयुक्त (सर्टिफाइडड) प्रयोग गरिएको सवारी साधन ल्याइएको यो पहिलो पटक हो । अबदेखि ग्राहकहरूले नेपाली बजारमा प्रमाणित प्रयोग भइसकेका महिन्द्रा सवारी साधनहरू खरिद गर्न सक्नेछन् ।

बिक्री, सेवा र स्पेयर पार्ट्स सुविधाहरूका साथ प्रमाणीकरणयुक्त सवारी साधनहरू (सर्टिफाइड युज्ड भेइकल्स) स्थापनाको मुख्य उद्देश्य भनेको ग्राहकहरूलाई थप सुविधाजनक र किफायती बनाएर प्रमाणीकरणयुक्त महिन्द्रा सवारी साधनहरू र यसका गुणस्तरीय सेवाहरूमा पहुँचको थप सुविधा प्रदान गर्नु हो । अहिलेका लागि विशेष रुपमा महिन्द्राका प्रयोग भइसकेका युटिलिटी सवारी साधनहरू, एसयूभी, पिकअपमा कम्पनी मुख्य रूपमा केन्द्रित रहने बताइएको छ ।

अग्नि ग्रुपका कार्यकारी निर्देशक सुसन वैद्य श्रेष्ठले विश्वभर लोकप्रिय भइरहेका महिन्द्राका यस्ता गाडीहरु अब नेपालमा पनि उपलब्ध हुने बताइन् । उनका अनुसार ग्राहकहरूले प्रयोग भइसकेका सवारी साधनहरू २०० चेकप्वाइन्ट निरीक्षणसहित १२/७ सर्भिस सुविधा, सक्कली स्पेयर पार्ट्स र सक्कली सहायक सामग्री (एसेसरिज), बडी एन्ड पेन्ट्स सुविधा, भेइकल ग्रुमिङ सेवासहितका सेवासुविधासहित पाउन सक्ने छन् ।

कुनै पनि प्रयोग भइसकेका सवारी साधन बिक्री गर्नुभन्दा अघि अग्नि आस्थाले सवारीहरूलाई मल्टीप्वाइन्ट निरीक्षणका साथ प्रमाणीकरण गर्ने सुनिश्चित गरेको छ । अब ग्राहकहरूले महिन्द्रा सवारी साधनहरू यो वेबसाइटमार्फत किनबेच गर्न सक्ने छन् ।