सीतापाइलमा खुल्यो फोटोन मोटर्सको अत्याधुनिक नयाँ वर्कसप

काठमाडौं – नेपालका लागि फोटोन मोटर ग्रुपको आधिकारिक विक्रेता एमएडब्लु वृद्धि कमर्सियल भेहिकल प्रालिले काठमाडौँ स्थित सीतापाइलामा वर्कसप सञ्चालनमा ल्याएको छ ।

ग्राहकलाइ छिटो, सजिलो र सुविधाजनक होस् भनेर वर्कसप खोलेको फोटोन मोटर्सका सर्भिस हेड विदेसमान सिंह डंगोलले बताए । उनले भने, ‘फोटोनको वर्कसपमा यात्रुको प्रतीक्षाको लागि आरामदायी प्रतीक्षालयको साथै मनोरञ्जनको पनि व्यवस्था रहेको छ ।’ ग्राहकले गाडी दिएको एक घण्टा भित्र सर्भिस पाइसक्ने उनको दाबी छ ।

१० सर्भिस वे भएको यो वर्कसप २१ हजार वर्ग फिटमा फैलिएको कम्पनीले जानकारी दिएको छ । यसका साथै ९ हजार वर्ग फिटको पार्ट्स काउन्टर र २ हजार ७ सय वर्ग फिटको पार्ट्स गोदाम समेत निर्माण गरिएको कम्पनीले जनाएको छ ।