भारतमा ७५ वर्ष पुरा भएको अवसरमा आयो भेस्पाको यस्तो विशेष स्कुटर

पियाजियोले भारतमा ७५ वर्ष पुरा गरेको अवसरमा भेस्पा ७५औं एनिभर्सरी एडिसन लन्च गरेको छ । सो स्पेसल एडिसन भेरिएन्टको लुक र फिचर निकै शानदार रहेको छ ।

भेस्पाको नयाँ एडिसनमा १२५ सीसी र १५० सीसी इन्जिन समावेश गरिएको छ । सो स्कुटर ग्लासी मेटालिक जिएलो कलरमा उपलब्ध छ भने सफ्ट नोबुक लेदर फिल डार्क स्मोक ग्रे सिट र राउन्ड ब्यागमा उपलब्ध रहेको छ ।

उक्त १२५ सीसी इन्जिनयुक्त स्कुटरको मूल्य १ लाख २५ हजार र १५० सीसी इन्जिनको मूल्य १ लाख ३९ हजार भारु मूल्य तोकिएको छ । सो स्कुटर स्पेसल भएको हुनाले यसको लिमिटेड युनिट मात्र बिक्री हुने कम्पनीले जानकारी दिएको छ ।

नयाँ स्पेसल भेस्पामा मोनोकक फुल स्टिल बडी छ । यसको साइड प्यानलमा ७५ औ नम्बर लेखिएको छ । साथै मेट मेटालिक पाइराइट रङमा देखिएको फ्रन्ट बम्पर पनि क्रोम इन्सर्टको साथमा फ्रन्ट टाई समान रहेको छ । यसमा डीआरएलको साथमा एलईडी, एड्जस्टेबल डुअल हाइड्रोलिक सक एब्जर्बर, एबीएस, सीबीएस सहित अन्य फिचर समावेश गरिएको छ ।