महिन्द्राको नयाँ लोगो सार्वजनिक, एक्सयूभी ७०० मा पहिलो पटक प्रयोग हुने

महिन्द्रा एन्ड महिन्द्राले नयाँ लोगो सार्वजनिक गरेको छ । उक्त लोगो अर्को साता सार्वजनिक गर्ने तयारीमा रहेको एक्सयूभी ७०० मा पहिलो पटक प्रयोग गरिने छ ।

महिन्द्राले आफ्ना एसयूभी रेन्जमा यो नयाँ लोगो प्रयोग गर्ने र कमर्सियल तथा फार्म सेक्टरमा हालकै ‘रोड अहेड’ लोगो प्रयोग गरिने छ ।

महिन्द्राको नयाँ लोगोलाई ‘ट्विन पिक्स’ लोगो भनिन्छ । यसमा अपर केस ‘एम’ अल्फाबेटको प्रयोग गरिएको छ, जुन आधुनिक र फरक डिजाइनमा उपलब्ध छ । महिन्द्राको एक्जिक्युटिभ भाइस प्रेसिडेन्ट तथा चिफ डिजाइन अफिसरको रुपमा नियुक्त भए पश्चात प्रताप बोसको यो पहिलो डिजाइन समेत हो ।

महिन्द्राका सबै डिलरसिप र सर्भिस सेन्टरहरुमा नयाँ लोगोले नयाँ पहिचान दिलाउने कम्पनीको भनाइ छ ।