यस्तो हुन सक्छ रोयल इन्फिल्ड हिमालयनको अपडेट मोडल

रोयल इन्फिल्डको लोकप्रिय हिमालयन एड्भेन्चर बाइकको अपडेट मोडल लन्चिङ भन्दा पहिला नै फोटो लिक भएको छ । सो फोटो क्ले मोडलले लिक गरेको हो । हिमालयन एड्भेन्चर बाइक परीक्षणको समयमा कैयौ पटक देखिएको छ । यद्यपि लिक भएको फोटो हिमालयन एड्भेन्चरको फाइनल डिजाइन भने होइन । तर, क्ले मोडलले लिक गरेको फोटो केही हदसम्म फाइनल भएको पुष्टि गरेको छ ।

रोयल इन्फिल्डको सो अपडेट बाइकलाई रोड बायस्ड मोडल भनिएको छ । कम्पनीले सो बाइकको बडी प्यानलमा केही परिवर्तन गरेको छ । यसको साथै फ्रन्ट विन्डस्क्रिन र ¥याक हटाइएको छ ।

हिमालयन एड्भेन्चरको फ्रन्ट सस्पेन्शनमा धुलो र हिलोबाट बचाउनको लागि फोर्क ग्याटर समावेश गरिएको छ । हाल उपलब्ध मोडलको रियर सेक्शनमा ग्रयाब रेल कम लगेजको स्थानमा पारम्परिक पिलर ग्रयाब रेल समावेश गरिएको छ ।

सो बाइकको लन्चिङको बारेमा कम्पनीले केही जानकारी दिएको छैन । कम्पनीले नयाँ हिमालयन यही वर्ष लन्च गर्ने अनुमान गरिएको छ । साथै सो बाइकको मूल्य हाल उपलब्ध मोडल भन्दा कम हुने अनुमान गरिएको छ ।