महिन्द्राको नयाँ लोगो आउँदै, एक्सयूभी ७०० मा पहिलो पटक प्रयोग हुने

महिन्द्राले पछिल्लो समय बजारमा ल्याएको एसयूभी महिन्द्रा थार र बोलेरो नियो पश्चात आफ्नो लोगो समेत परिवर्तन गर्ने भएको छ । महिन्द्राले अब छिट्टै नै लन्च गर्ने तयारी गरिरहेको एसयूभी एक्सयूभी ७०० मा नयाँ लोगो हुने अनुमान गरिएको छ ।

यो भन्दा पहिले महिन्द्राको नयाँ लोगो समेत इन्टरनेटमा भाइरल बनेको छ । हाल महिन्द्राको लोगो अण्डाकार छ, जसमा तीन रेखा एक विन्दुमा मिल्छन् । तर अबको नयाँ लोगो भने साधारण अंग्रेजी अल्फाबेट एम जस्तो हुनेछ । हेर्दा साधारण लाग्ने यो लोगो अब प्रयोग हुने बताइएको छ ।

हालको लोगो सन् २००० मा तत्कालीन म्यानेजिङ डाइरेक्टरले कम्पनी पुनर्गठन गर्दा सार्वजनिक गरेका थिए ।

महिन्द्रा एक्सयूभी ७०० दमदार परफर्मेन्स र फिचरयुक्त गाडी हुनेछ । धेरै पटक यसको टिजर सार्वजनिक भइसकेको छ । यसमा नयाँ अटो बुस्टर हेडल्याम्प हुनेछ, जसलाई अँध्यारोमा ८० किलोमिटर प्रतिघण्टाको गतिमा चलाउदा एक्स्ट्रा ब्राइटनेस उपलब्ध हुनेछ । त्यसैगरी यसमा प्यानोरामिक सनरुफ र पप आउट स्मार्ट डोर ह्यान्डल हुनेछ ।

हाल उपलब्ध एक्सयूभी ५०० को तुलनामा यो निकै नै शक्तिशाली हुनेछ । सो नयाँ एसयूभी पेट्रोल र डिजेल दुवै इन्जिन अप्सनमा उपलब्ध हुनेछ । पेट्रोल इन्जिन भेरिएन्टमा २.० लिटर एमस्टालियोन टर्बो इन्जिन प्रयोग गरिएको छ । त्यसैगरी डिजेल इन्जिन भेरिएन्टमा २.२ लिटर डिजेल इन्जिन दिइएको छ । यी इन्जिनले क्रमशः १९० एचपी र १५० एचपी सम्मको अधिकतम पावर दिन्छन् । यी इन्जिन ६ स्पिड म्यानुअल र ६ स्पिड अटोमेटिक ट्रान्समिसनका साथ उपलब्ध हुनेछन् ।

यसको क्याबिनले ९९ प्रतिशत ब्याक्टेरिया र ९५ प्रतिशत भाइरस फिल्टर गर्ने बताइएको छ । स्मार्ट फिल्टर टेक्नोलोजी भएको यो क्याबिनका कारण यो निकै नै सुरक्षित क्याबिन भएको एसयूभी समेत हुनेछ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...