सानदार रेट्रो लुक्सका बाइक नेपालमा : यस्ता छन् फिचर र मूल्य

युवाहरु माझ रेट्रो बाइकको क्रेज दिनानुदिन बढिरहेको छ । एड्भान्स टेक्नोलोजी, शानदार लुक र राइडिङमा आरामदायक भएको कारण रेट्रो बाइक लोकप्रिय भएको हो । रेट्रो सेगमेन्टमा रोयल इन्फिल्डको दबदबा रहेको छ । यद्यपि हालै अन्य कम्पनी पनि सो सेगमेन्टमा प्रवेश गरेका छन् । केही दिन पहिले नेपाली बजारमा भित्रिएको होन्डा हाइनेस सीबी ३५० पनि रेट्रो लुक्सका कारण चर्चामा छ ।

रोयल इन्फिल्ड बुलेट ३५०
रोयल इन्फिल्डको बुलेट ३५० रेट्रो बाइक निकै चर्चित बाइकहरु मध्ये एक हो । कम्पनीले सो बाइकमा ३४६ सीसी क्षमताको सिंगल सिलिन्डर एयर कुल्ड इन्जिन समावेश गरेको छ । जसले १९.१ बीएचपीको पावर र २८ एनएमको टर्क जेनेरेट गर्छ । सो इन्जिन ५ स्पिड गियरबक्सको साथमा उपलब्ध रहेको छ । यसको साथै सो बाइकमा कम्पनीले एन्टि लक ब्रेकिङ सिस्टम, १३.५ लिटर क्षमताको फ्युल ट्यांक र १९ इन्चको ह्विल समावेश गरेको छ । सो बाइकको फ्रन्टमा डिस्क र रियरमा ड्रम ब्रेक समावेश गरिएको छ ।

नेपाली बजारमा रोयल इन्फिल्ड बुलेट ३५० को मूल्य ४ लाख ६७ हजार ५ सय र ५ लाख ६० हजार ५ सय रुपैयाँ छ ।

जावा ४२
सन् १९९६ पछि जावा कम्पनीले भारतीय बजारमा प्रवेश गरेको हो । यो बाइक २०७७ सालमा नेपाली बजारमा समेत प्रवेश गरेको छ । कम्पनीले महिन्द्रासँग मिलेर जावा ४२ बजारमा उपलब्ध गराएको छ । सो बाइकमा रेट्रो लुक र मोर्डन स्टाइल समावेश गरिएको छ ।

सो बाइकमा २९३ सीसी क्षमताको इन्जिन समावेश गरिएको छ । जसले २७ बीएचपीको पावर र २७.१ एनएमको टर्क जेनेरेट गर्छ । सो बाइकमा ६ स्पिड गियरबक्स समावेश गरिएको छ । यसको फ्रन्टमा टेलिस्कोपिक फर्क र रियरमा हाइड्रोलिक शक एब्जर्वर सस्पेन्शनको साथमा डुअल च्यानल एन्टि लक ब्रेकिङ सिस्टम समावेश गरिएको छ । यसको साथै बाइकमा १४ लिटरको फ्युल ट्यांकको साथमा लङ एक्जस्ट एक्जस्ट समावेश गरिएको छ । जावा ४२ सिंगल च्यानल र डबल च्यानल एबीएससहित २ भेरिएन्टमा उपलव्ध छ । सिंगल च्यानल एबीएस भेरिएन्टको मूल्य ६ लाख २० हजार र डबल च्यानल एबीएस भेरिएन्टको मूल्य ६ लाख ४८ हजार रुपैयाँ तोकिएको छ ।

रोयल इन्फिल्ड क्लासिक ३५०
दमदार परफर्मेन्स र शानदार रेट्रो लुकको कारण रोयल इन्फिल्ड क्लासिक ३५० निकै लोकप्रिय रहेको छ । सो बाइकमा ३४६ सीसी क्षमताको सिंगल सिलिन्डर ट्वीन स्पार्क एयर कुल्ड इन्जिन समावेश गरिएको छ । जसले १९.३६ पीएसको पावर र २८ एनएमको टर्क जेनेरेट गर्छ ।
रोयल इन्फिल्ड क्लासिक ३५० सिंगल च्यानल एबीएसको मूल्य ५ लाख १५ हजार र ड्युअल च्यानल एबीएसको मूल्य ६ लाख ५ हजार रुपैयाँ छ ।

होन्डा हाइनेस सीबी ३५०
हाइनेस सीबी ३५० मा ३४८.३६ सीसीको सिंगल सिलिन्डर, एयरकुल्ड इन्जिन छ, जसले ५,५०० आरपीएममा २०.८ बीएचपी पावर र ३,००० आरपीएममा ३० एनएम टर्क जेनेरेट गर्छ ।

नेपालमा आकर्षक रेट्रो लुक्स मन पराउने सम्पूर्ण बाइक पारखीहरुको लागि निर्मित यस बाइकमा ३५० सीसीको इन्जिन छ । मोर्डन फिचरहरुले भरिपूर्ण यस बाइक सिंगल टोनमा प्रिसियस रेड मेटालिक, म्याट मार्सल ग्रिन मेटालिक, पर्ल नाइट स्टार ब्याल्क गरी ३ विभिन्न रङमा उपलब्ध छ ।

रियल टाइम माइलेज, एभरेज माइलेज र डिस्ट्यान्स टू एम्प्टी सूचित गर्ने डिजिटल क्नसोल, रिङ टाइप विंकरसहित एलईडी हेड ल्याम्प र टेल ल्याम्प, एस्सिट एन्ड सिल्पर क्लच् डिजिटल मिटर, लामो र आरमदायी सिटजस्ता यस बाइकको धेरै मध्यका केही विशेषताहरु हुन् । नेपाली बजारमा यस सीबी(३५० डीएलएक्सको मूल्य सात लाख ५० हजार रुपैयाँ तोकिएको छ ।